ନୂଆଦିଲ୍ଲୀ, ୧୭।୫ : ଜ୍ଞାନବ୍ୟାପି ମସଜିଦର ସର୍ଭେ ଉପରେ ରୋକ ଜାରି କରିବାକୁ ସୁପ୍ରିମକୋର୍ଟ ମନା କରି ଦେଇଛନ୍ତି। ଶୀର୍ଷ ଅଦାଲତ କହିଛନ୍ତି ଯେ ଏହି ମାମଲାରେ ନିମ୍ନ ଅଦାଲତରେ ବିଚାର ଚାଲିଛି। ତେଣୁ ଜିଲା କୋର୍ଟର ନିଷ୍ପତ୍ତିକୁ ଅପେକ୍ଷା କରାଯିବା ଉଚିତ୍। ଉତ୍ତରପ୍ରଦେଶ ସରକାରଙ୍କ ପକ୍ଷରୁ ହାଜର ହୋଇଥିବା ସୋଲିସିଟର ଜେନେରାଲ ତୁଷାର ମେହେଟ୍ଟା କହିଛନ୍ତି ଯେ ରାଚ୍ୟ ସରକାର ଏହି ପ୍ରସଙ୍ଗରେ ସାହାଯ୍ୟ ଆବଶ୍ୟକ କରୁଛନ୍ତି। ସୁପ୍ରିମକୋର୍ଟରେ ଅଞ୍ଜୁମନ ଇନ୍ତେଜାମିଆ ମସଜିଦ କମିଟି ପକ୍ଷରୁ ବାରାଣସୀ କୋର୍ଟର ସର୍ଭେ କରିବା ଆଦେଶକୁ ଚ୍ୟାଲେଞ୍ଜ କରିଛି ଯେଉଁଥିରେ ଅଧିନରେ ଭିଡିଓଗ୍ରାଫି କରାଯାଉଛି।
କମିଟି ପାଇଁ ହାଜର ହୋଇଥିବା ଆଡଭୋକେଟ ଅହମ୍ମଦ ଏହି ସମୟ ମଧ୍ୟରେ ସର୍ବୋଚ୍ଚ ଅଦାଲତରେ ଦାବି କରିଥିଲେ ଯେ ଏହି ମାମଲାରେ ସର୍ଭେ ଏବଂ କୋର୍ଟ କମିଶନଙ୍କ ନିଯୁକ୍ତିକୁ ସ୍ଥଗିତ ରଖନ୍ତୁ। ଏହି ପ୍ରସଙ୍ଗରେ ସ୍ଥିତାବସ୍ଥା ନିର୍ଦ୍ଦେଶ ଦିଆଯିବା ଉଚିତ ବୋଲି ସେ କହିଛନ୍ତି। ଉପାସନା ସ୍ଥାନଗୁଡିକ ବିଷୟରେ ଉଲ୍ଲେଖ କରି ସେ କହିଛନ୍ତି ଯେ ଏହାର ଧାରା ୩ ରେ ସ୍ଥିତି ବିଷୟରେ ଉଲ୍ଲେଖ କରାଯାଇଛି।
ସୁପ୍ରିମକୋର୍ଟ କହିଛନ୍ତି ଯେ ଶିବଲିଙ୍ଗ ଯେଉଁ ସ୍ଥାନରୁ ମିଳିଛି ସେଠାକୁ ସିଲ୍ କରାଯିବା ସହିତ ଓ୍ବଜୁଖାନାରେ ପ୍ରବେଶକୁ ବାରଣ କରି ବାରାଣାସୀର ଡିଏମଙ୍କୁ ଟ୍ରାଏଲ କୋର୍ଟ ନିର୍ଦ୍ଦେଶ ଦେଇଛନ୍ତି। ଏହା ବ୍ୟତୀତ କେବଳ ୨୦ ଜଣଙ୍କୁ ମସଜିଦରେ ନମାଜ ପଢ଼ିବାକୁ ଅନୁମତି ଦିଆଯାଇଛି।