ଅନୁଗୋଳ ଅଫିସ୍, ୨୧ା୭
ଅନୁଗୋଳ ପୌରପାଳିକା ମୁଣ୍ଡରୁ ହଟୁନି ସହରର ଅଳିଆ ଚିନ୍ତା। କେତେବେଳେ ଆବର୍ଜନା ପକାଇବାକୁ ନେଇ କେଉଁଠୁ ବିରୋଧର ସମ୍ମୁଖୀନ ହେବାକୁ ପଡ଼ୁଛି ତାହାର କିଛି ଠିକ୍ଠିକଣା ରହୁନି। ଦୀର୍ଘ ବର୍ଷ ହେଲା ଏପରି ସମସ୍ୟାର ସମାଧାନ ହେଉ ନ ଥିବାବେଳେ ଏବେ ପଞ୍ଚମହଲା ଡମ୍ପିଂୟାର୍ଡରେ ଅଳିଆ ପକାଯିବାକୁ ଅଞ୍ଚଳବାସୀଙ୍କ ବିରୋଧ କାରଣରୁ ସହରର ବିଭିନ୍ନ ସ୍ଥାନରେ ଟନ୍ ଟନ୍ ଆବର୍ଜନା ଗଦା ହୋଇ ରହିଛି। ଦୈନିକ ୧୨ ଟନ୍ ଉଠାଯିବା ବଦଳରେ ଉଠୁଛି ମାତ୍ର ୫ ଟନ୍।
ପଞ୍ଚମହଲାରେ ନିର୍ମାଣ ହୋଇଥିବା ଡମ୍ପିଂୟାର୍ଡରେ ଅଳିଆ ପକାଯିବାକୁ ନେଇ ଉଠିଛି ବିରୋଧ। ମୁତୟନ ପୋଲିସ ସହ ଅଞ୍ଚଳବାସୀଙ୍କ ମୁହଁାମୁହିଁ ପରଠାରୁ ସେଠାକୁ ଆବର୍ଜନା ଗାଡ଼ି ପୌର ପ୍ରଶାସନ ପଠାଉ ନାହିଁ। ଏଣେ ସହର ସଫେଇ ମଧ୍ୟ ପୂର୍ଣ୍ଣମାତ୍ରାରେ ହୋଇପାରୁ ନାହିଁ। ତଥାପି ଯଥା ସମ୍ଭବ ସଫେଇ ଚାଲିଥିବା ପୌରପାଳିକା ପକ୍ଷରୁ କୁହାଯାଇଛି। ସେହିପରି ସହରରେ ହୋଇଥିବା ମାଇକ୍ରୋ କମ୍ପୋଷ୍ଟ ସେଣ୍ଟର(ଏମ୍ସିସି) ଗୁଡ଼ିକ ପୂର୍ଣ୍ଣ କାର୍ଯ୍ୟକ୍ଷମ ହୋଇ ନ ଥିବାରୁ ସେଠାରେ ସହରର ସମୂର୍ଣ୍ଣ ଅଳିଆ ପକାଯାଇ ପାରୁନାହିଁ।