ଗଞ୍ଜାମ,୨୫l୧୦(ଡି.ଏନ୍.ଏ.)-କୋଭିଡ୍ କଟକଣା ମଧ୍ୟରେ ଗଞ୍ଜାମ ସହରରେ ଦଶହରା ପର୍ବ ପାଳନ କରାଯାଉଛି। ସହରର ଦୁର୍ଗାଦେବୀସାହି ମା’ ଦୁର୍ଗା, ଶିଶୁମନ୍ଦିର ରାସ୍ତାରେ ମା’ ବୁଢ଼ୀ ଠାକୁରାଣୀ, ପୁଇଁତୋଳା ମା’ କନକଦୁର୍ଗା ଓ ଗ୍ରାମ ଠାକୁରାଣୀ ଆଦି ମନ୍ଦିରରେ ବିଜୟା ଦଶମୀ ପାଳିତ ହେଉଛି l କିନ୍ତୁ ଏନ୍ଏସି ପ୍ରଶାସନର ଅପାରଗତା ଯୋଗୁ ସହର ସାରା ଅଳିଆ ଆବର୍ଜନାରେ ଭର୍ତ୍ତି ହୋଇ ରହିଛି। ରବିବାରରେ ମଧ୍ୟ ସଫେଇ କର୍ମଚାରୀମାନେ ଝାଡୁ କରିବାକୁ ଆସି ନ ଥିବାରୁ ଜନ ଅସନ୍ତୋଷ ଦେଖାଦେଇଛି। ଦଶହରା ପର୍ବରେ ବି ସ୍ବଚ୍ଛତା ପ୍ରତି ପ୍ରଶାସନ କିପରି ଧ୍ୟାନ ଦେଲେନାହିଁ ବୋଲି ପୂର୍ବତନ ଏମ୍ପି ପ୍ରତିନିଧି ତଥା ସାନବଜାର ବଣିକ ସଂଘ ଉପଦେଷ୍ଟା ସୁଧୀର କୁମାର ପାଢ଼ୀ କହିଛନ୍ତି। ସ୍ବଚ୍ଛ ସହର ଗଠନ ପାଇଁ ସରକାର କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି l ହେଲେ ଗଞ୍ଜାମ ଏନ୍ଏସିରେ ଏହାର ବ୍ୟତିକ୍ରମ ହେଉଥିବା ଅଭିଯୋଗ ହୋଇଛି l ଏ ନେଇ ଏନ୍ଏସି କାର୍ଯ୍ୟନିର୍ବାହୀ ଅଧିକାରୀ ପ୍ରଭୁକଲ୍ୟାଣ ଦାସଙ୍କ ପ୍ରତିକ୍ରିୟା ମିଳିପାରି ନାହିଁ l