ଜଳବାୟୁ ପରିବର୍ତ୍ତନର ପ୍ରଭାବ ବର୍ତ୍ତମାନ ସମଗ୍ର ବିଶ୍ୱରେ ଦେଖାଦେଇଛି। ଏହାର ସଦ୍ୟତମ ଉଦାହରଣ ହେଉଛି ଅକ୍ଟୋବରରେ ଦେଶର ଅନେକ ସ୍ଥାନରେ ପ୍ରବଳ ବର୍ଷା। ଅନ୍ୟପକ୍ଷରେ ରାଜଧାନୀ ଦିଲୀରେ ବର୍ଷା ହେବା ପରେ ପାଗ ବଦଳିଛି। ଶୀତଦିନ ଆରମ୍ଭ ହେବା ଉପରେ। କିନ୍ତୁ ଏହାପୂର୍ବରୁ ଲୋକମାନେ ପ୍ରଦୂଷଣକୁ ଭୟ କରୁଛନ୍ତି। ସାଧାରଣତଃ ଦିଲ୍ଲୀରେ ନଭେମ୍ବର ମାସରେ ଦୂଷିତ ବାୟୁର ସମ୍ମୁଖୀନ ହେବାକୁ ପଡ଼ିଥାଏ। ଖୁବ୍ଶୀଘ୍ର ବାୟୁର ଗୁଣବତ୍ତା ଖରାପ ହେବାକୁ ଯାଉଛି ବୋଲି ବିଶେଷଜ୍ଞମାନେ ଚେତାବନୀ ଦେଇଛନ୍ତି। ଏପରି ପରିସ୍ଥିତିରେ, ଏଠାରେ ଥିବା ଏକ ଅଟୋ ଡ୍ରାଇଭର ଖରାଗରମରୁ ରକ୍ଷା ପାଇବା ପାଇଁ ଏକ ନିଆରା ଉପାୟ ଆପଣାଇଛନ୍ତି। ସେ ଅଟୋ ଉପରେ ଏକ ମିନି ଗାର୍ଡେନ ତିଆରି କରିଛନ୍ତି।
ସୋସିଆଲ ମିଡିଆରେ ସବୁବେଳେ କିଛି ନୂଆ ବାର୍ତ୍ତା ଆଣିଥିବା ଆଇଏଏସ୍ ଅଧିକାରୀ ସୁପ୍ରିୟା ସାହୁ ତାଙ୍କ ଟୁଇଟର ପେଜ୍ରେ ଏହା ଶେୟାର କରିଛନ୍ତି। ଫଟୋ ଶେୟାର କରି ସେ କ୍ୟାପଶନ ଲେଖିଛନ୍ତି, ‘ଆଜି ଦିଲ୍ଲୀର ଇଣ୍ଡିଆ ଗେଟ୍ରେ ଜଣେ ବନ୍ଧୁ ଫଟୋ କ୍ଲିକ୍ କରିଛନ୍ତି। ଅଟୋ ଡ୍ରାଇଭର ମହେନ୍ଦ୍ର କୁମାର ନିଜକୁ ଏବଂ ଯାତ୍ରୀମାନଙ୍କୁ ଗରମରୁ ରକ୍ଷା କରିବା ପାଇଁ ମିନି ଏସି ସଦୃଶ କାର୍ଯ୍ୟ କରିଛନ୍ତି। ତାଙ୍କ ଅଟୋ ଛାତରେ ଛୋଟ ଏକ ବଗିତା ତିଆରି କରିଛନ୍ତି।
ଏହି ମିନି ବଗିଚାକୁ ଲୋକମାନେ ପ୍ରଶଂସା କରୁଛନ୍ତି। ଜଣେ ୟୁଜର ଲେଖିଛନ୍ତି, ଗୁଡ୍ ଆଇଡିଆ। ତାମିଲନାଡୁ ସରକାର ଅଟୋ ଛାତରେ ସୌର ପ୍ୟାନେଲ ସ୍ଥାପନ ପାଇଁ ଏକ କାର୍ଯ୍ୟକ୍ରମ ଆରମ୍ଭ କରିପାରନ୍ତି। ଏହି ପଦକ୍ଷେପ ପାଇଁ ଅଟୋ ଡ୍ରାଇଭରକୁ ଅଭିନନ୍ଦନ ଜଣାଇଛନ୍ତି। ଯଦିଓ କିଛି ୟୁଜର ଏହା ଉପରେ ପ୍ରଶ୍ନ ଉଠାଇଛନ୍ତି। ସେମାନେ କହିଛନ୍ତି, ଏହା ଦୁର୍ଘଟଣା ଘଟାଇବାର ଆଶଙ୍କା ସୃଷ୍ଟି କରୁଛି।
ଅଟୋ ଡ୍ରାଇଭର ମହେନ୍ଦ୍ର କୁମାର ବିହାରର ବେଗୁସରାଇର ବାସିନ୍ଦା। ଗ୍ରୀଷ୍ମ ଋତୁରେ ମଧ୍ୟ ସେ ନିଜ ଅଟୋରେ ଉଦ୍ଭିଦ ଏବଂ ପନିପରିବା ଲଗାନ୍ତି। ଏକ ବଗିଚା ତିଆରି କରିବା ପାଇଁ ସେ ଅଟୋର ଛାତ ଉପରେ ଏକ ମୋଟା ସିଟ୍ ରଖିଛନ୍ତି। ଏହାକୁ ଚାରିପାଖରୁ ଘେରି ରହି ମାଟି ଢାଳି ଦିଆଯାଇଛି। ଏହି ଅଟୋ ଦିଲ୍ଲୀ ରାସ୍ତାରେ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି। ଗ୍ରୀଷ୍ମ ଋତୁରେ ଅଟୋକୁ ଥଣ୍ଡା ରଖିବା ପାଇଁ ଛାତକୁ ଏକ ବଗିଚାରେ ପରିଣତ କରାଯାଇଥିବାରୁ ଯାତ୍ରୀମାନେ ତାଙ୍କ ଅଟୋକୁ ଉତ୍ସାହର ସହିତ ଆସିଥାନ୍ତି ବୋଲି ମହେନ୍ଦ୍ର କୁହନ୍ତି।