ଓ୍ବେଷ୍ଟ ବ୍ରୋମ୍ଓ୍ବିଚ୍, ୨୮ା୮ (ଏପି)- ପ୍ରିମିୟର ଲିଗ୍ରେ ସର୍ବାଧିକ ମ୍ୟାଚ ଖେଳି ରେକର୍ଡ କରିଥିବା ଗାରେଥ୍ ବ୍ୟାରି ୩୯ବର୍ଷ ବୟସରେ ଫୁଟ୍ବଲରୁ ଅବସର ନେଇଛନ୍ତି। ପ୍ରିମିୟର ଲିଗ୍ରେ ସେ ୬୫୩ ମ୍ୟାଚ୍ ଖେଳିଛନ୍ତି। ଗତ ୩ ବର୍ଷ ଧରି ସେ ଓ୍ବେଷ୍ଟ ବ୍ରୋମ୍ଓ୍ବିଚ୍ ଅଲବିଅନ ତରଫରୁ ଖେଳି ଆସୁଥିଲେ। ଏହି ଦଳ ଗତ ବର୍ଷ ଟପ୍ ଡିଭିଜନକୁ ଉନ୍ନୀତ ହୋଇପାରିଛି। ବ୍ୟାରି ୧୯୯୭ରେ ଆଷ୍ଟନ ଭିଲାରେ ଯୋଗଦାନ ପୂର୍ବରୁ ବ୍ରିଟନ୍ର ୟୁଥ୍ ଟିମ୍ରେ ଖେଳୁଥିଲେ। ପରବର୍ତ୍ତୀ ବର୍ଷ ସେ ଭିଲାର ଦଳରେ ପ୍ରଥମ ଥର ସିନିୟର ଦଳରେ ଖେଳିଥିଲେ। ସେତେବେଳେ ତାଙ୍କୁ ମାତ୍ର ୧୭ ବର୍ଷ ବୟସ ହୋଇଥିଲା। ୨୦୦୯ରେ ସେ ମାଞ୍ଚେଷ୍ଟର ସିଟିରେ ଯୋଗଦାନ କରିଥିଲେ। ଏହି କ୍ଲବ ତରଫରୁ ସେ ୪୪୧ ମ୍ୟାଚ ଖେଳିଥିଲେ। ବ୍ୟାରିଙ୍କ ସହାୟତାରେ ସିଟି ୨୦୧୨ରେ ପ୍ରିମିୟର ଲିଗ୍ ଟାଇଟଲ ହାସଲ କରିଥିଲା। ଏହାର ପରବର୍ତ୍ତୀ ବର୍ଷ ସେ ଲୋନ୍ ଭିତ୍ତିରେ ଏଭରଟନରେ ଯୋଗ ଦେଇଥିଲେ। କ୍ୟାରିୟର ଶେଷରେ ୨୦୧୭ରେ ସେ ଓ୍ବେଷ୍ଟ ବ୍ରୋମ୍ରେ ଯୋଗଦାନ ପୂର୍ବରୁ ୪ ବର୍ଷ ପାଇଁ ଗୁଡିସନ ପାର୍କ ତରଫରୁ ଖେଳିଥିଲେ। ବ୍ୟାରି ଇଂଲଣ୍ଡ ତରଫରୁ ୫୩ଥର ପ୍ରତିନିଧିତ୍ୱ କରିଛନ୍ତି।