ହରାରେ,୮।୨: ୱେଷ୍ଟଇଣ୍ଡିଜ ଏବଂ ଜିମ୍ବାୱେ ମଧ୍ୟରେ ଟେଷ୍ଟ ସିରିଜର ପ୍ରଥମ ମ୍ୟାଚରେ ଗ୍ୟାରି ବାଲାନ୍ସ ଇତିହାସ ସୃଷ୍ଟି କରିଛନ୍ତି। ଜିମ୍ବାୱେ ପାଇଁ ପାଞ୍ଚ ନମ୍ବରରେ ବ୍ୟାଟିଂ କରୁଥିବା ବେଳେ ସେ ଅପରାଜିତ ୧୩୭ ସ୍କୋର କରିଥିଲେ। ଏହା ସହିତ ସେ ଅନ୍ତର୍ଜାତୀୟ କ୍ରିକେଟରେ ଦୁଇ ଦେଶ ପାଇଁ ଶତକ ହାସଲ କରିଥିବା ଦ୍ୱିତୀୟ ବ୍ୟାଟ୍ସମ୍ୟାନ ହୋଇଛନ୍ତି। ଦକ୍ଷିଣ ଆଫ୍ରିକାର କେପଲର ୱେସେଲ ପ୍ରଥମ ବ୍ୟାଟ୍ସମ୍ୟାନ, ଯିଏକି ଉଭୟ ଦେଶ ପାଇଁ ଶତକ ହାସଲ କରିଥିଲେ। ଜିମ୍ବାୱେରେ ଯୋଗଦେବା ପୂର୍ବରୁ ଗ୍ୟାରି ବାଲାନ୍ସ ଇଂଲଣ୍ଡ ଦଳର ଅଂଶ ଥିଲେ। ସେ ଇଂଲଣ୍ଡର ବିଶ୍ୱକପ ଦଳର ଏକ ଅଂଶ ମଧ୍ୟ ଥିଲେ। ସେ ଇଂଲଣ୍ଡ ପାଇଁ ଚାରି ଶତକୀୟ ଇନିଂସ ଖେଳିଥିଲେ। ଏଥି ସହିତ କେପଲର ୱେସେଲ ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ପାଇଁ ଶତକ ସ୍କୋର କରିଥିଲେ।
ହରାରେ ଜନ୍ମଗ୍ରହଣ କରିଥିବା ବାଲାନ୍ସ ଜିମ୍ବାୱେ ପାଇଁ କ୍ୱିନ୍ସ ସ୍ପୋର୍ଟସ କ୍ଲବରେ ଟେଷ୍ଟ ଡେବ୍ୟୁ କରିଥିଲେ। ସେ ନିଜ ଦେଶକୁ ଫେରିବା ପୂର୍ବରୁ ଗତ ଦଶନ୍ଧିରେ ଇଂଲଣ୍ଡ ପାଇଁ ଚାରି ଶତକ ସ୍କୋର କରିଥିଲେ। ତାଙ୍କ ପୂର୍ବରୁ ଦକ୍ଷିଣ ଆଫ୍ରିକାରେ ଜନ୍ମିତ କେପଲର ୱେସେଲ ଅଷ୍ଟ୍ରେଲିଆ ପାଇଁ ନିଜ ଦେଶକୁ ଫେରିବା ପୂର୍ବରୁ ଚାରି ଶତକ ଏବଂ ୧୯୯୦ରେ ଟେଷ୍ଟ କ୍ରିକେଟରେ ଯୋଗଦେବା ପରେ ଆଫ୍ରିକା ପାଇଁ ଆଉ ଦୁଇଟି ସ୍କୋର କରିଥିଲେ।
ବୁଲାୱାୟୋରେ ୱେଷ୍ଟଇଣ୍ଡିଜ ଏବଂ ଜିମ୍ବାୱେ ମଧ୍ୟରେ ଖେଳାଯାଉଥିବା ମ୍ୟାଚ ଡ୍ର’ ହେବାର ସମ୍ଭାବନା ରହିଛି। ଏହି ମ୍ୟାଚ୍ରେ ୱେଷ୍ଟଇଣ୍ଡିଜ ପ୍ରଥମ ଇନିଂସରେ ୬ ଉଇକେଟ ହରାଇ ୪୪୭ ରନ ସଂଗ୍ରହ କରିଥିଲା। ଏହାର ଜବାବରେ ଜିମ୍ବାୱେ ୯ ଉଇକେଟ ପାଇଁ ୩୭୯ ରନ ସ୍କୋର କରି ପ୍ରଥମ ଇନିଂସ ଘୋଷଣା କରିଥିଲା। ୱେଷ୍ଟଇଣ୍ଡିଜ ଦ୍ୱିତୀୟ ଇନିଂସରେ କୌଣସି ଉଇକେଟ ହରାଇ ୨୧ ରନ ସଂଗ୍ରହ କରିଛି। ମ୍ୟାଚରେ କେବଳ ଗୋଟିଏ ଦିନର ଖେଳ ବାକି ଥିବାବେଳେ ଉଭୟ ଦଳର ଗୋଟିଏ ଇନିଂସ ବାକି ଅଛି। ବୁଲାୱାୟୋରେ ଥିବା ପିଚ ବୋଲରମାନଙ୍କୁ ଅଧିକ ସାହାଯ୍ୟ କରୁନାହିଁ। ଚାରି ଦିନ ଖେଳିବା ପରେ ଏହି ମ୍ୟାଚରେ ମୋଟ ୧୫ ଉଇକେଟ ଯାଇଛି।
