ନୟାଗଡ଼ ଅଫିସ,୪।୨: ନୟାଗଡ଼ ଜିଲା ସୁନାନଟି ବ୍ରିଜ ନିକଟରେ ଶନିବାର ଗ୍ୟାସ ଲାଇନ୍ ପାଇପ୍ ଫାଟିଛି। ଏଥିରେ ୨ ଶ୍ରମିକଙ୍କ ମୃତ୍ୟୁ ଘଟିଥିବା ବେଳେ ୩ ଆହତ ହୋଇଛନ୍ତି। ମୃତ ଶ୍ରମିକ ହେଲେ ସୋନୁ ଓ ବିଜୟ ଗାଙ୍ଗୁଲି l ସମସ୍ତ ଶ୍ରମିକ ମହାରାଷ୍ଟ୍ରର ବୋଲି ଜଣାପଡ଼ିଛି l
ସୂଚନାନୁଯାୟୀ, ଅପରାହ୍ନରେ ସୁନାନଟି ବ୍ରିଜ ନିକଟରେ ଗ୍ୟାସ ପାଇପ ଲାଇନ୍ କାମ ଚାଲିଥିଲା l କମ୍ପ୍ରେଶର ନଟ୍ ଟାଇଟ କରିବା ସମୟରେ ନଟ୍ଟି ଖସିଯାଇଥିଲା l ଫଳରେ ଗ୍ୟାସ ପାଇପ୍ ଭିତରେ ରହି କାମ କରୁଥିବା ୨ ଶ୍ରମିକ ଦୁର୍ଘଟଣାର ଶିକାର ହୋଇଥିଲେ। ସେହିଭଳି ମାଟି ବାହାର କରୁଥିବା ଅନ୍ୟ ୩ ଜଣ ଏଥିରୁ ବର୍ତ୍ତି ନ ଥିଲେ l ୫ ଜଣଙ୍କୁ ନୟାଗଡ଼ ମୁଖ୍ୟ ଚିକିତ୍ସାଳୟ ଅଣାଯାଇଥିଲା। ଡାକ୍ତର ୨ ଜଣଙ୍କୁ ମୃତ ଘୋଷଣା କରିଥିବା ବେଳେ ମେଡିକାଲରେ ୩ ଜଣଙ୍କ ଚିକିତ୍ସା ଚାଲିଛି।
