କାମାକ୍ଷାନଗର,୨ା୧୧(ସୁଧୀର କୁମାର ପରିଡ଼ା): ଢେଙ୍କାନାଳ ଜିଲା ପରଜଙ୍ଗ ଥାନା ଆମ୍ବପଳାସ ଗ୍ରାମରେ ଅଘଟଣ। ଗ୍ୟାସ୍ ଟାଙ୍କି ଫାଟି ଉଡ଼ି ଘରର ଆଜବେଷ୍ଟସ୍ ଓ ଆସବାବପତ୍ର। ଅଳ୍ପକେ ବର୍ତ୍ତିଯାଇଛନ୍ତି ପରିବାର ଲୋକେ।
ସୂଚନାନୁସାରେ, ଆମ୍ବପଳାସ ଗ୍ରାମର ସୁବାସ ମହାପାତ୍ରଙ୍କ ରୋଷେଇ ଘରେ ମଧ୍ୟାହ୍ନ ସମୟରେ ରୋଷେଇ ହେଉଥିବା ବେଳେ ହଠାତ୍ ଗ୍ୟାସ୍ ଟାଙ୍କିରୁ ଗ୍ୟାସ୍ ଲିକ୍ ହୋଇ ଟାଙ୍କିଟି ବ୍ଲାଷ୍ଟ ହୋଇଥିଲା। ଫଳରେ ଘରର ଆଜବେଷ୍ଟସ୍ ଓ ଅନ୍ୟାନ୍ୟ ଆସବାବପତ୍ର ଉଡ଼ିଯାଇଥିଲାବେଳେ ଅଳ୍ପକେ ବର୍ତ୍ତି ଯାଇଛନ୍ତି ପରିବାର ଲୋକେ। ଏଥିସହିତ ପଡ଼ୋଶୀମାନେ ମଧ୍ୟ ଏହି ଭୟଙ୍କର ଅଘଟଣରୁ ବର୍ତ୍ତି ଯାଇଛନ୍ତି।