ବମ୍ବେ: ବଲିଉଡ୍ରେ ଏବେ ଚାଲିଛି ବିବାହର ସିଜନ। ଗୋଟିଏ ପରେ ଗୋଟିଏ କଳାକାଳ ଚଳିତ ବର୍ଷ ହାତକୁ ଦୁଇହାତ ହେବାକୁ ଯୋଜନା କରୁଛନ୍ତି। ନିକଟରେ ପ୍ରେମିକ ଜୈଦ ଦରବାରଙ୍କୁ ହଁ କହିଥିବା ଗୌହର ଖାନ୍ ଏହି ଦୌଡ଼ରେ। ଡିସେମ୍ବର ୨୫ରେ ସେ ଜୈଦଙ୍କ ହାତ ଧରିବେ। ନିଜ ବିବାହ ପୂର୍ବ ଫଟୋ ସୋସିଆଲ ମିଡିଆରେ ଶେୟାର କରି ଏନେଇ ସୂଚନା ଦେଇଛନ୍ତି ଗୌହର।
ନିକଟରେ ବିଗ୍ବସ ୧୪ରେ ନଜର ଆସିଥିଲେ ସେ। ସେଠାରୁ ବାହାରିବା ପରେ ଜୈଦଙ୍କ ସହ ସମୟ ବିତାଇବାକୁ ସେ ଗୋଆ ଯାଇଥିଲେ। ପରେ ଜୈଦ ତାଙ୍କୁ ବିବାହ ଲାଗି ପ୍ରପୋଜ୍ କରିଥିଲେ। ଆଉ କିଛି ଦିନ ପରେ ଉଭୟଙ୍କ ବିବାହ ଉତ୍ସବ ଆରମ୍ଭ ହେବ। ବିବାହରେ ପରିବାର ସହ ନିକଟ ସମ୍ପର୍କୀୟ ଏବଂ ବନ୍ଧୁ ଯୋଗଦେବେ ବୋଲି ଜଣାପଡ଼ିଛି।
