ନୂଆଦିଲ୍ଲୀ,୩୦।୮: ଭାରତର ଆଦାନୀ ଗ୍ରୁପ୍ର ଚେୟାରମ୍ୟାନ ଗୌତମ ଆଦାନୀ ଦୁନିଆର ତୃତୀୟ ଧନୀ ବ୍ୟକ୍ତି ହୋଇପାରିଛନ୍ତି। ଫ୍ରାନ୍ସର ବ୍ୟବସାୟୀ ବର୍ନାର୍ଡ ଆର୍ନାଲ୍ଟଙ୍କୁ ସେ ପଛରେ ପକାଇ ଦେଇଛନ୍ତି ଏହି ସ୍ଥାନ ହାସଲ କରିଛନ୍ତି।
ଗୌତମ ଆଦାନୀ ହେଉଛନ୍ତି ପ୍ରଥମ ଏସୀୟ ବ୍ୟକ୍ତି ଦୁନିଆର ତୃତୀୟ ଧନୀ ସ୍ଥାନରେ ପହଞ୍ଚିଛନ୍ତି। ଚାଇନାର ଜ୍ୟାକ ମା ଏବଂ ଭାରତର ମୁକେଶ ଅମ୍ବାନୀ ମଧ୍ୟ ଏହି ସ୍ଥାନକୁ ଛୁଇଁ ନାହାଁନ୍ତି। ବ୍ଲୁମବର୍ଗ ବିଲିୟନେୟାର ଇଣ୍ଡେକ୍ସ ତାଲିକାରେ ତୃତୀୟ ସ୍ଥାନରେ ପହଞ୍ଚି ଗୌତମ ଆଦାନୀ ଏସିଆ ଏବଂ ଭାରତ ପାଇଁ ଏହି ସଫଳତା ହାସଲ କରିଛନ୍ତି। ଟେସଲା ସିଇଓ ଏଲୋନ ମସ୍କ ଏବଂ ଆମାଜନ ପ୍ରତିଷ୍ଠାତା ଜେଫ ବେଜୋସ ବର୍ତ୍ତମାନ ବିଶ୍ୱର ଧନୀ ତାଲିକାରେ ଆଦାନୀଙ୍କଠାରୁ ଆଗରେ ଅଛନ୍ତି।
ଆଦାନୀଙ୍କ ସମ୍ପତ୍ତି ୧୩୭.୪ ବିଲିୟନ ଡଲାରରେ ପହଞ୍ଚିଛି। ପ୍ରଥମ ସ୍ଥାନରେ ଥିବା ଏଲୋନ ମସ୍କର ମୋଟ ସମ୍ପତ୍ତି ୨୫୧ ବିଲିୟନ ଡଲାର। ଦ୍ୱିତୀୟ ସ୍ଥାନରେ ଥିବା ଜେଫ ବେଜୋସଙ୍କର ମୋଟ ସମ୍ପତ୍ତି ୧୫୩ ବିଲିୟନ ଡଲାର। ଚତୁର୍ଥ ସ୍ଥାନକୁ ଖସି ଆସିଥିବା ବର୍ଣ୍ଣାଡ ସମ୍ପତ୍ତି ୧୩୬ ବିଲିୟନ ଡଲାରକୁ ଖସି ଆସିଛି। ଭାରତର ମୁକେଶ ଅମ୍ବାନୀ ଏହି ତାଲିକାର ଶ୍ରେଷ୍ଠ ୧୦ରୁ ବାଦ୍ ପଡିଛନ୍ତି ଏବଂ ତାଙ୍କର ସମ୍ପତ୍ତି ୯୧.୯ ବିଲିୟନ ଡଲାରରେ ରହିଛି।