ରିଙ୍କୁ ସିଂଙ୍କ ଏମିତି କାରନାମା ଦେଖି ହସ ରୋକିପାରିଲେନି ଗୌତମ ଗମ୍ଭୀର: ଦେଖନ୍ତୁ ଭିଡିଓ

ପାଲେକେଲ,୩୧।୭: ଶ୍ରୀଲଙ୍କା ବିପକ୍ଷରେ ବୋଲିଂରେ ରିଙ୍କୁ ସିଂ ଭାରତ ପାଇଁ ଆଶ୍ଚର୍ଯ୍ୟଜନକ କାର୍ଯ୍ୟ କରିଥିଲେ। ସିରିଜର ତୃତୀୟ ଟି-୨୦ରେ ରିଙ୍କୁ ୨ଟି ଉଇକେଟ ନେଇ ମ୍ୟାଚ୍‌ରେ ଟିମ ଇଣ୍ଡିଆକୁ ପ୍ରତ୍ୟାବର୍ତ୍ତନ କରିଥିଲେ। ରିଙ୍କୁ ସିଂ ୧୯ତମ ଓଭରରେ ବୋଲିଂ କରିଥିଲେ। ଏହି ମ୍ୟାଚ ଜରିଆରେ ରିଙ୍କୁ ଅନ୍ତର୍ଜାତୀୟ ଟି-୨୦ରେ ପ୍ରଥମଥର ବୋଲିଂ କରିଥିଲେ। ମୁଖ୍ୟ କୋଚ ଗେତମ ଗମ୍ଭୀର ରିଙ୍କୁଙ୍କ ବୋଲିଂରେ ବହୁତ ଖୁସି ଥିବା ଜଣାପଡିଛି। ରିଙ୍କୁ ଉଇକେଟ ନେବା ମାତ୍ରେ ଗମ୍ଭୀର ଦେଖାଯାଉଥିବା କୋଚ ଗୌତମଙ୍କ ମୁହଁରେ ହସ ଫୁଟିଥିଲା। ଗମ୍ଭୀରଙ୍କ ଏହି ପ୍ରତିକ୍ରିୟା ଭାଇରାଲ ହେବାରେ ଲାଗିଛି।
ଅଧିନାୟକ ସୂର୍ଯ୍ୟକୁମାର ଯାଦବ ୧୯ତମ ଓଭରର ଦାୟିତ୍ୱ ରିଙ୍କୁ ସିଂଙ୍କୁ ଦେଇଥିଲେ। ଯେତେବେଳେ ରିଙ୍କୁ ବୋଲିଂ କରିବାକୁ ଆସିଥିଲେ, ଶ୍ରୀଲଙ୍କା ଜିତିବା ପାଇଁ ୨ ଓଭରରେ ମାତ୍ର ୯ ରନ ଆବଶ୍ୟକ କରୁଥିଲା। ରିଙ୍କୁଙ୍କ ଓଭର ଆରମ୍ଭ ପୂର୍ବରୁ ଲାଗୁଥିଲା ଯେ ଶ୍ରୀଲଙ୍କା ସହଜରେ ଜିତିବ, କିନ୍ତୁ ସେ ପୁରା ଖେଳକୁ ଓଲଟପାଲଟ କରିଦେଇଥିଲେ। ରିଙ୍କୁ ତାଙ୍କ ଓଭରରେ ମାତ୍ର ୩ ରନ ଦେଇଥିଲେ। କେବଳ ଏତିକି ନୁହେଁ, ରିଙ୍କୁ ମଧ୍ୟ ୩ ଉଇକେଟ ନେଇଥିଲେ।
ରିଙ୍କୁଙ୍କ ଓଭରର ପ୍ରଥମ ବଲ ଏକ ଡଟ୍‌ ଥିଲା। ତା’ପରେ ଦ୍ୱିତୀୟ ବଲରେ ସେ କୁସାଲ ପେରେରାଙ୍କୁ ଏକ କ୍ୟାଚ ମାଧ୍ୟମରେ ଆଉଟ୍‌ କରିଥିଲେ। ରିଙ୍କୁ ଉଇକେଟ ନେବା ମାତ୍ରେ ଗମ୍ଭୀରଙ୍କ ମୁହଁରେ ହସ ଦେଖିବାକୁ ମିଳିଥିଲା। ଗମ୍ଭୀରଙ୍କ ଏହି ପ୍ରତିକ୍ରିୟା ଭାଇରାଲ ହେବାରେ ଲାଗିଛି।