ନୂଆଦିଲ୍ଲୀ,୬।୧୧: ଚାଲିଥିବା ଦିନିକିଆ ବିଶ୍ୱକପରେ ସୋମବାର ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମରେ ବାଂଲାଦେଶ ଏବଂ ଶ୍ରୀଲଙ୍କା ମଧ୍ୟରେ ଖେଳାଯାଇଥିବା ମ୍ୟାଚରେ ଅନେକ ବିବାଦୀୟ ମୁହୂର୍ତ୍ତ ଦେଖିବାକୁ ମିଳିଛି। ଏହି ମ୍ୟାଚରେ ଶ୍ରୀଲଙ୍କାର ଏଞ୍ଜଲା ମାଥ୍ୟୁସଙ୍କ ଆଉଟ ସବୁଠି ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି। ଯେଉଁ ପ୍ରକାରେ ମାଥ୍ୟୁସଙ୍କୁ ବାଂଲାଦେଶ ଟିମ୍ ଆଉଟ କଲେ ତାହାକୁ ଅନେକ ବରିଷ୍ଠ ଖେଳାଳି ନାପସନ୍ଦ କରିଛନ୍ତି।
ଭାରତର ବରିଷ୍ଠ କ୍ରିକେଟର ଗୌତମ ଗମ୍ଭୀର ଏହି ଘଟଣାରେ ନିଜର ପ୍ରତିକ୍ରିୟା ଦେଇଛନ୍ତି। ଗମ୍ଭୀର ଟୁଇଟ କରି ଲେଖିଛନ୍ତି ‘ଦିଲ୍ଲୀରେ ଆଜି ଯାହା କିଛି ଘଟିଲା ତାହା ନିରାଶ ଜନକ ଥିଲା।’ ଗମ୍ଭୀରଙ୍କ ବ୍ୟତୀତ ଅନେକ ବରିଷ୍ଠ ଖେଳାଳିମାନେ ଶାକିବ ଅଲ ହାସନଙ୍କ ଆଲୋଚନା କରିଥିଲେ।
ମ୍ୟାଚରେ ଶ୍ରୀଲଙ୍କାର ଖେଳାଳି ଆଞ୍ଜେଲୋ ମାଥ୍ୟୁସଙ୍କୁ ଟାଇମ୍ ଆଉଟ୍ ଘୋଷଣା କରାଯାଇଥିଲା। ଆଜି ପର୍ଯ୍ୟନ୍ତ ଅନ୍ତର୍ଜାତୀୟ କ୍ରିକେଟରେ ଏହିପରି ଟାଇମ୍ ଆଉଟ୍ ଜରିଆରେ କୌଣସି ବ୍ୟାଟ୍ସମ୍ୟାନଙ୍କୁ ପାଭିଲିୟନକୁ ଫେରିବାକୁ ପଡି ନ ଥିଲା। ମାଥ୍ୟୁସ ୧୪୬ ବର୍ଷର କ୍ରିକେଟ ଇତିହାସରେ ପ୍ରଥମ ବ୍ୟାଟ୍ସମ୍ୟାନ ଭାବେ ଟାଇମ୍ ଆଉଟ୍ ହୋଇଥିଲେ।