ନୂଆଦିଲ୍ଲୀ,୧।୬: ପୂର୍ବତନ ଭାରତୀୟ ଅଧିନାୟକ ସୁନୀଲ ଗାଭାସ୍କର ଷ୍ଟାର ବ୍ୟାଟ୍ସମ୍ୟାନ ବିରାଟ କୋହଲିଙ୍କ ଆଗରେ ଏକ ବଡ଼ ଡିମାଣ୍ଡ ରଖିଛନ୍ତି। ଗାଭାସ୍କର ଅଷ୍ଟ୍ରେଲିଆ ବିପକ୍ଷରେ ଟେଷ୍ଟ ଶତକ ହାସଲ କରି ତାଙ୍କର ଏବଂ ଇଂଲଣ୍ଡର ପୂର୍ବତନ ଅଧିନାୟକ ଆଲାଷ୍ଟାୟର କୁକଙ୍କ କ୍ଲବରେ ଯୋଗଦେବାକୁ କୋହଲିଙ୍କୁ କହିଥିଲେ। ସୂଚନାଯୋଗ୍ୟ, ଚଳିତ ବର୍ଷ ଶେଷରେ ଭାରତକୁ ପାଞ୍ଚ ଟେଷ୍ଟ ସିରିଜ ପାଇଁ ଅଷ୍ଟ୍ରେଲିଆ ଗସ୍ତ କରିବାକୁ ପଡିବ।
ଏକ ଇଭେଣ୍ଟରେ ଭାଷଣ ଦେଇ ଗାଭାସ୍କର କହିଛନ୍ତି ଯେ ବ୍ୟକ୍ତିଗତ ସ୍ତରରେ ମୋର ଇଚ୍ଛା ବୋଧହୁଏ ବିରାଟ କୋହଲି ତୃତୀୟ ବିଦେଶୀ ଖେଳାଳି ଭାବେ ଅଷ୍ଟ୍ରେଲିୟ ଗ୍ରାଉଣ୍ଡରେ ଷଷ୍ଟ ଶତକ କରିବେ। ମୁଁ ଭାବୁଛି ଗାବାରେ ତାଙ୍କର ଗୋଟିଏ ଶତକ ନାହିଁ, ତେଣୁ ଯଦି ସେ ଗାବାରେ ଏକ ଶତକ ସ୍କୋର କରନ୍ତି, ତେବେ ଏହାର ଅର୍ଥ ସେ ମୋରଏବଂ ଆଲାଷ୍ଟାୟର୍ କୁକଙ୍କ ସହ ଯୋଗଦେବେ।
କୋହଲି ଅଷ୍ଟ୍ରେଲିଆରେ ୬ ଟେଷ୍ଟ ଶତକ ହାସଲ କରିଛନ୍ତି, ସଚିନ ତେନ୍ଦୁଲକରଙ୍କ ସହ ସଂଯୁକ୍ତ ଭାବେ ଜଣେ ଭାରତୀୟ ଏବଂ ତୃତୀୟ ସର୍ବାଧିକ ବିଦେଶୀ ବ୍ୟାଟ୍ସମ୍ୟାନ ଭାବେ ସର୍ବାଧିକ ସ୍କୋର। ତେବେ ସେ ବ୍ରିସବେନର ଗାବାରେ କେବେବି ଶତକ ହାସଲ କରିନାହାଁନ୍ତି। ଶେଷ ଥର ପାଇଁ ଭାରତ ଅଷ୍ଟ୍ରେଲିଆକୁ ପରାସ୍ତ କରି ନଭେମ୍ବର ୧୯୮୮ ପରଠାରୁ ଏହି ଷ୍ଟାଡିୟମରେ ଜିତିବାରେ ପ୍ରଥମ ବିଦେଶୀ ଦଳ ହୋଇଥିଲା, ସେତେବେଳେ ବି ସେ ଏହି ଗ୍ରାଉଣ୍ଡରେ ଖେଳି ନଥିଲେ।
