ନୂଆଦିଲ୍ଲୀ,୧୩।୫: ମହାନ କ୍ରିକେଟର୍ ସୁନୀଲ ଗାଭାସ୍କର ଯୁବ ଉଇକେଟକିପଟ ରିଷଭ ପନ୍ତଙ୍କୁ ନେଇ ବଡ ମନ୍ତବ୍ୟ ଦେଇଛନ୍ତି। ସେ ଭବିଷ୍ୟବାଣୀ କରିଛନ୍ତି ଯେ, ରିଷଭ ଭବିଷ୍ୟତରେ ଭାରତୀୟ ଦଳର ଅଧିନାୟକ ହେବେ। ଶ୍ରେୟାଶ ଆୟାରଙ୍କ ଅନୁପସ୍ଥିତିରେ ପନ୍ତ ଆଇପିଏଲ୍-୧୪ରେ ଦିଲ୍ଲୀ କ୍ୟାପିଟାଲ୍ସର ଅଧିନାୟକ ଦାୟିତ୍ୱ ନେଇଥିଲେ। ତାଙ୍କ ଅଧିନାୟିକତ୍ୱରେ ଦିଲ୍ଲୀ ୮ଟିରୁ ୬ଟି ମ୍ୟାଚ୍ ଜିତିଥିଲା। ଆଇପିଏଲ୍ ସ୍ଥଗିତ ହେବା ପର୍ଯ୍ୟନ୍ତ ପଏଣ୍ଟ ତାଲିକାରେ ଦିଲ୍ଲୀ ଟପ୍ରେ ଥିଲା। ପନ୍ତଙ୍କ ଅଧିନାୟିକତ୍ୱକୁ ନେଇ ଗାଭାସ୍କର ପ୍ରଭାବିତ ହୋଇଛନ୍ତି। ସେ କହିଛନ୍ତି, ପନ୍ତଙ୍କଠାରେ ଶିଖିବାର ଇଚ୍ଛାଶକ୍ତି ଅଛି। ଧୈର୍ଯ୍ୟ ରଖିଲେ ସେ ଆହୁରି ଆଗକୁ ଯିବେ। ପନ୍ତ ଭବିଷ୍ୟତରେ ଭାରତୀୟ ଦଳର ଅଧିନାୟକ ହେବେ, ଏଥିରେ କୌଣସି ସନ୍ଦେହ ନାହିଁି ବୋଲି ସେ କହିଛନ୍ତି।