ଆଡିଲେଡ,୨୦।୧୨(ପି.ଟି.): ପରାଜୟ ସତ୍ତ୍ୱେ କିମ୍ବଦନ୍ତୀ କ୍ରିକେଟର ସୁନୀଲ ଗାଭାସ୍କର ଭାରତୀୟ ବ୍ୟାଟ୍ସମ୍ୟାନଙ୍କୁ ସମର୍ଥନ କରିଛନ୍ତି। ଅଷ୍ଟ୍ରେଲୀୟ ବୋଲରମାନେ ଉଚ୍ଚକୋଟୀର ବୋଲିଂ ପ୍ରଦର୍ଶନ କରିଥିଲେ। ତେଣୁ ବିପର୍ଯ୍ୟୟ ପାଇଁ ଭାରତୀୟ ବ୍ୟାଟ୍ସମ୍ୟାନଙ୍କୁ ସମାଲୋଚନା କରିବା ଠିକ୍ ହେବ ନାହିଁ ବୋଲି ସେ କହିଛନ୍ତି। ୩ ଦ୍ରୁତ ବୋଲର ଜୋଶ ହାଜେଲଉଡ, ପ୍ୟାଟ୍ କୁମିନ୍ସ ଓ ମିଚେଲ ଷ୍ଟାର୍କ ସୁପର୍ବ ବୋଲିଂ କରିଥିଲେ। ଏଭଳି ବୋଲିଂ ସାମ୍ନାରେ ଯେକୌଣସି ଦଳ ବିପର୍ଯ୍ୟୟର ସମ୍ମୁଖୀନ ହୋଇଥାନ୍ତା। ୩୬ ନ ହେଲେ ମଧ୍ୟ ୭୨ କିମ୍ବା ୮୦- ୯୦ ରନ ମଧ୍ୟରେ ଅନ୍ୟ ଯେକୌଣସି ଦଳ ଅଲଆଉଟ୍ ହୋଇଥାନ୍ତେ ବୋଲି ସେ କହିଛନ୍ତି।