ନୂଆଦିଲ୍ଲୀ,୭।୧୦: ଅକ୍ଟୋବର ୧୭ରୁ ୟୁଏଇ ଏବଂ ଓମାନରେ ଟି -୨୦ ବିଶ୍ୱକପ ଆରମ୍ଭ ହେବାକୁ ଯାଉଛି। ଏହାପୂର୍ବରୁ ଭାରତର ପୂର୍ବତନ କ୍ରିକେଟର୍ ସୁନୀଲ ଗାଭାସ୍କର ହାର୍ଦ୍ଦିକ ପାଣ୍ଡ୍ୟାଙ୍କ ବିଷୟରେ ଉଦ୍ବେଗଗ ପ୍ରକାଶ କରିଛନ୍ତି। ସେ କହିଛନ୍ତି ଯେ ଭାରତୀୟ ଦଳ ପାଇଁ ସବୁଠାରୁ ବଡ ଚିନ୍ତା ହେଉଛି ହାର୍ଦ୍ଦିକ ପାଣ୍ଡ୍ୟା ବୋଲିଂ ନ କରିବା। ଯଦି ହାର୍ଦ୍ଦିକ ପାଣ୍ଡ୍ୟା ବୋଲିଂ କରନ୍ତି ନାହିଁ ତେବେ ଏହା ଭାରତ ପାଇଁ ଏକ ବଡ ଝଟକା ବୋଲି ପ୍ରମାଣିତ ହୋଇପାରେ। ହାର୍ଦ୍ଦିକ ପାଣ୍ଡ୍ୟାଙ୍କୁ ଦଳର ଅଲରାଉଣ୍ଡର ଭାବେ ମନୋନୀତ କରାଯାଇଛି, ଏପରି ପରିସ୍ଥିତିରେ ତାଙ୍କ ବୋଲିଂ ନ କରିବା ଭାରତ ପାଇଁ ଏକ ପ୍ରତିବନ୍ଧକଠାରୁ କମ ନୁହେଁ। ଯଦି ତୁମେ ଜଣେ ଅଲରାଉଣ୍ଡର ଏବଂ ତୁମେ ବୋଲିଂ କରୁନାହଁ, ଏହା ଅଧିନାୟକଙ୍କ ପାଇଁ ବହୁତ ଅସୁବିଧା ସୃଷ୍ଟି କରେ। ଏଭଳି ପରିସ୍ଥିତିରେ ଦଳର ସନ୍ତୁଳନକୁ ବିଗାଡି ପାରେ ବୋଲି ସେ କହିଛନ୍ତି।
ଦୁଇ ବର୍ଷ ପୂର୍ବେ ହାର୍ଦ୍ଦିକ ପାଣ୍ଡ୍ୟାଙ୍କର ଅସ୍ତ୍ରୋପଚାର କରାଯାଇଥିଲା। ଏହା ପରେ ତାଙ୍କୁ କ୍ୱଚିତ୍ ବୋଲିଂ ଦେଖିବାକୁ ମିଳିଥିଲା। ପାଣ୍ଡ୍ୟା ଶ୍ରୀଲଙ୍କା ବିପକ୍ଷରେ କିଛି ଓଭର ବୋଲିଂ କରିଥିଲେ। ଚଳିତ ଆଇପିଏଲ ସିଜନରେ ମୁମ୍ବାଇ ଇଣ୍ଡିଆନ୍ସ ପାଇଁ ହାର୍ଦ୍ଦିକ ଥରେ ବୋଲିଂ କରିନାହାଁନ୍ତି। ତେବେ ଚୟନକର୍ତ୍ତାମାନେ ହାର୍ଦ୍ଦିକ ପାଣ୍ଡ୍ୟାଙ୍କ ଚୟନ ଉପରେ କହିଛନ୍ତି ଯେ, ସେ ସମ୍ପୂର୍ଣ୍ଣ ଫିଟ ଏବଂ ବୋଲିଂ କରିବାକୁ ପ୍ରସ୍ତୁତ।
