ନୂଆଦିଲ୍ଲୀ,୩୦ା୧୧: ଭାରତର ଆର୍ଥତ୍କ ଅଭିବୃଦ୍ଧି ଜୁଲାଇ-ସେପ୍ଟେମ୍ବରରେ ପାଖାପାଖି ୨ ବର୍ଷ ତଳକୁ ଖସି ୫.୪ ପ୍ରତିଶତ ହୋଇଛି। ଉତ୍ପାଦନ ଏବଂ ଖଣି ସେକ୍ଟରରେ ଖରାପ ପ୍ରଦର୍ଶନ ଯୋଗୁ ଚଳିତ ଆର୍ଥତ୍କ ବର୍ଷର ଦ୍ୱିତୀୟ ତ୍ରୈମାସିକରେ ଜିଡିପି (ମୋଟ ଘରୋଇ ଉତ୍ପାଦ) ଅଭିବୃଦ୍ଧି ହ୍ରାସ ପାଇଛି। ଆଗାମୀ ୩ ବର୍ଷରେ ଭାରତର ଜିଡିପି ୫ ଟ୍ରିଲିୟନ ଡଲାର ଛୁଇଁବା ସହ ତୃତୀୟ ବୃହତ୍ ଅର୍ଥନୀତିରେ ପରିଣତ ହେବା ସହ ୨୦୩୦ ବେଳକୁ ୭ ଟ୍ରିଲିୟନ ଡଲାର ଅର୍ଥନୀତିରେ ପହଞ୍ଚତ୍ବା ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଥିବାବେଳେ ଅଭିବୃଦ୍ଧି ହାର ୫.୪ ପ୍ରତିଶତକୁ ହ୍ରାସ ପାଇବା ଚିନ୍ତାଜନକ ହୋଇଛି। ତଥାପି ଭାରତ ସବୁଠୁ ଦ୍ରୁତ ଅଭିବୃଦ୍ଧିଶୀଳ ଅର୍ଥନୀତି ରହିଥିବା ଶୁକ୍ରବାର ପ୍ରକାଶିତ ଜାତୀୟ ପରିସଂଖ୍ୟାନ କାର୍ଯ୍ୟାଳୟ ତଥ୍ୟରୁ ଜଣାପଡ଼ିଛି। କାରଣ ଏହି ସମୟରେ ଚାଇନାର ଜିଡିପି ଅଭିବୃଦ୍ଧି ୪.୬% ରହିଛି।
୨୦୨୩-୨୪ ଆର୍ଥତ୍କ ବର୍ଷର ଜୁଲାଇ-ସେପ୍ଟେମ୍ବର ତ୍ରୈମାସିକରେ ଭାରତର ଜିଡିପି ଅଭିବୃଦ୍ଧି ୮.୧ ପ୍ରତିଶତ ଥିଲା। ଏହା ପୂର୍ବରୁ ୨୦୨୨-୨୩ ଆର୍ଥତ୍କ ବର୍ଷର ଅକ୍ଟୋବର-ଡିସେମ୍ବର ତ୍ରୈମାସିକରେ ଅଭିବୃଦ୍ଧି ୪.୩ ପ୍ରତିଶତ ରହିଥିଲା। ଜାତୀୟ ପରିସଂଖ୍ୟାନ କାର୍ଯ୍ୟାଳୟ (ଏନ୍ଏସ୍ଓ) ତଥ୍ୟ ଅନୁଯାୟୀ, କୃଷି ସେକ୍ଟର ଅଭିବୃଦ୍ଧି ଜିଭିଏ (ଗ୍ରସ୍ ଭାଲ୍ୟୁ ଆଡେଡ୍) ଜୁଲାଇ-ସେପ୍ଟେମ୍ବର ତ୍ରୈମାସିକରେ ୩.୫ ପ୍ରତିଶତକୁ ବୃଦ୍ଧି ପାଇଛି, ଯାହାକି ବର୍ଷେ ପୂର୍ବରୁ ୧.୭ ପ୍ରତିଶତ ରହିଥିଲା। ଅନ୍ୟପକ୍ଷରେ ଏହି ତ୍ରୈମାସିକରେ ଉତ୍ପାଦନ ସେକ୍ଟର ଜିଭିଏ ୨.୨ ପ୍ରତିଶତକୁ ହ୍ରାସ ପାଇଛି, ଯାହାକି ବର୍ଷେ ପୂର୍ବରୁ ୧୪.୩ ପ୍ରତିଶତକୁ ବୃଦ୍ଧି ପାଇଥିଲା। ସେହିପରି ଖଣି ଖନନ ଓ ଉତ୍ତୋଳନ ସେକ୍ଟର ଜିଭିଏ ବର୍ଷେ ପୂର୍ବରୁ ୧୧.୧ ପ୍ରତିଶତ ଥିବାବେଳେ ଚଳିତ ବର୍ଷର ଦ୍ୱିତୀୟ ତ୍ରୈମାସିକରେ ତାହା ୦.୦୧ ପ୍ରତିଶତକୁ ହ୍ରାସ ପାଇଛି।
ଆର୍ଥତ୍କ କାରବାର, ରିଅଲ ଇଷ୍ଟେଟ୍ ଏବଂ ପେସାଦାର ସେବା ଜିଭିଏ ୬.୭ ପ୍ରତିଶତକୁ ବୃଦ୍ଧି ପାଇଛି, ଯାହା ପୂର୍ବବର୍ଷ ଏହି ସମୟରେ ୬.୨ ପ୍ରତିଶତ ଥିଲା। ବିଦ୍ୟୁତ୍, ଗ୍ୟାସ୍, ପାଣି ଯୋଗାଣ ଓ ଅନ୍ୟାନ୍ୟ ସେବା୩.୩ ପ୍ରତିଶତ ରହିଛି, ଯାହାକି ବର୍ଷେ ପୂର୍ବରୁ ୧୦.୫ ପ୍ରତିଶତ ରହିଥିଲା। ଦ୍ୱିତୀୟ ତ୍ରୈମାସିକରେ ନିର୍ମାଣ କ୍ଷେତ୍ରରେ ଅଭିବୃଦ୍ଧି ହାର ୭.୭ ପ୍ରତିଶତକୁ ହ୍ରାସ ପାଇଛି, ଯାହା ବର୍ଷେ ପୂର୍ବରୁ ୧୩.୬ ପ୍ରତିଶତ ଥିଲା।
ଏପ୍ରିଲ-ଜୁଲାଇ ତ୍ରୈମାସିକରେ ଦେଶର ଆର୍ଥତ୍କ ଅଭିବୃଦ୍ଧି ୬.୭ ପ୍ରତିଶତ ରହିଥିଲା। ଦ୍ୱିତୀୟ ତ୍ରୈମାସିକରେ ପ୍ରକୃତ ଜିଡିପ ବା ସ୍ଥିର ମୂଲ୍ୟରେ ଜିଡିପି ୪୪.୧୦ ଲକ୍ଷ କୋଟି ଟଙ୍କା ରହିଥିବା ଆକଳନ କରାଯାଇଛି। ୨୦୨୩-୨୪ ବର୍ଷର ଦ୍ୱିତୀୟ ତ୍ରୈମାସିକରେ ରିଅଲ ଜିଡିପି ୪୧.୮୬ ଲକ୍ଷ କୋଟି ଟଙ୍କା ରହିଥିଲା। ଏଥିରୁ ଅଭିବୃଦ୍ଧି ହାର ୫.୪ ପ୍ରତିଶତ ଆକଳନ କରାଯାଇଥିବା ଏନ୍ଏସ୍ଓ କହିଛି। ଅନ୍ୟପକ୍ଷରେ ନୋମିନାଲ ଜିଡିପି ବା ବର୍ତ୍ତମାନର ବଜାର ମୂଲ୍ୟରେ ଜିଡିପି ଦ୍ୱିତୀୟ ତ୍ରୈମାସିକରେ ୭୬.୬୦ ଲକ୍ଷ କୋଟି ଟଙ୍କା ରହିଛି, ଯାହାକି ଗତବର୍ଷ ଦ୍ୱିତୀୟ ତ୍ରୈମାସିକରେ ୭୦.୯୦ ଲକ୍ଷ କୋଟି ଟଙ୍କା ଥିଲା। ନୋମିନାଲ ଜିଡିପି ଅନୁଯାୟୀ ଅଭିବୃଦ୍ଧି ହାର ୮ ପ୍ରତିଶତ। ପ୍ରଥମ ଅର୍ଦ୍ଧବାର୍ଷିକ ଆଧାରରେ ଆକଳନ କଲେ ଏପ୍ରିଲ-ସେପ୍ଟେମ୍ବର ରିଅଲ ଜିଡିପି ୮୭.୭୪ ଲକ୍ଷ କୋଟି ଟଙ୍କା ଆକଳନ କରାଯାଇଛି, ଯାହାକି ପୂର୍ବବର୍ଷ ପ୍ରଥମ ଅର୍ଦ୍ଧବାର୍ଷିକରେ ୮୨.୭୭ ଲକ୍ଷ କୋଟି ଟଙ୍କା ଥିଲା। ତଦନୁଯାୟୀ ଦେଖିଲେ ଅଭିବୃଦ୍ଧି ୬ ପ୍ରତିଶତ ରହିଛି। ନୋମିନାଲ ଜିଡିପି ବା ବର୍ତ୍ତମାନର ବଜାର ମୂଲ୍ୟ ଅନୁଯାୟୀ ପ୍ରଥମ ଅର୍ଦ୍ଧବାର୍ଷିକର ଜିଡିପି ୧୫୩.୯୧ ଲକ୍ଷ କୋଟି ଟଙ୍କା, ଯାହାକି ପୂର୍ବବର୍ଷ ଏହି ସମୟରେ ୧୪୧.୪୦ ଲକ୍ଷ କୋଟି ଟଙ୍କା ଥିଲା। ଅର୍ଥାତ୍ ଅଭିବୃଦ୍ଧି ହାର ୮.୯ ପ୍ରତିଶତ ବୋଲି ରିପୋର୍ଟରେ କୁହାଯାଇଛି।