ଭୁବନେଶ୍ୱର: କରୋନା ମହାମାରୀର ୨ୟ ଲହର ଭାରତ ବଜାର ଉପରେ ଗଭୀର ପ୍ରଭାବ ପକାଇଛି। ସଂକ୍ରମଣକୁ ରୋକିବା ପାଇଁ ଦେଶ ମଧ୍ୟରେ ଲକ୍ଡାଉନ ଓ ଶଟ୍ଡାଉନ ଜାରି ହୋଇଛି। ଏଭଳି ସ୍ଥିତିରେ ଆର୍ଥତ୍କ ବର୍ଷ ୨୦୨୧-୨୨ରେ ଦେଶର ଜିଡିପି ପ୍ରାୟ ୯% ରହିବ ବୋଲି ଏକ ସର୍ଭେରୁ ଜଣାପଡିଛି। ଆର୍ଥିକ ନିବେଶ ଓ ପୁଞ୍ଜି ବଜାର ଉପରେ କାର୍ଯ୍ୟ କରୁଥିବା ଦେଶର ଅଗ୍ରଣୀ ସଂସ୍ଥା କେୟାର ରେଟିଂ ପକ୍ଷରୁ କରାଯାଇଥିବା ସର୍ଭେରୁ ଜଣାପଡିଛି ଯେ କୋଭିଡ୍-୧୯ ଯୋଗୁ ବର୍ତ୍ତମାନ ଦେଶର ବାଣିଜି୍ୟକ କାରବାର ମାନ୍ଦା ରହିଛି। କେନ୍ଦ୍ର ଓ ରାଜ୍ୟ ସରକାରଗୁଡିକ ପକ୍ଷରୁ ଲାଗୁ କରାଯାଇଥିବା କଟକଣା ଫଳରେ ବର୍ତ୍ତମାନ ବଜାର ମାନ୍ଦା ରହିଛି। ଏଭଳି ପରିସ୍ଥିତି ଆଗାମୀ ଜୁନ ପର୍ଯ୍ୟନ୍ତ ରହିପାରେ। ବର୍ତ୍ତମାନ ସମୟରେ ଅତ୍ୟାବଶ୍ୟକ ସାମଗ୍ରୀର ଚାହିଦା ୮୦% ରହିଛି।