ନୂଆଦିଲ୍ଲୀ: କରୋନା ପାଇଁ ଘରୋଇ ବଜାରର ସ୍ଥିତି ବେହାଲ ହୋଇ ରହିଛି। ଚଳିତ ଆର୍ଥତ୍କ ବର୍ଷରେ ଭାରତୀୟ ଅର୍ଥ ବ୍ୟବସ୍ଥାର ମୋଟ ଘରୋଇ ଉତ୍ପାଦ (ଜିଡିପି) ରେକର୍ଡ ସ୍ତରରେ ହ୍ରାସ ହେବ ବୋଲି ଆକଳନ କରାଯାଇଛି। ୨୦୨୦-୨୧ ଆର୍ଥତ୍କ ବର୍ଷ ପ୍ରଥମ ତ୍ରୈମାସରେ ଜିଡିପିକୁ ୨୩.୯% ଝଟକା ଲାଗିଛି। ସେହିଭଳି ତୃତୀୟ ଏବଂ ଚତୁର୍ଥ ତ୍ରୈମାସରେ ଜିଡିପି ଯଥାକ୍ରମେ ୧୦.୪% ଏବଂ ୫.୦% ହ୍ରାସ ହେବା ନେଇ ଆକଳନ ହୋଇଛି। ଜିଡିପି ୯.୫% ଖସିବ ବୋଲି ରିଜର୍ଭ ବ୍ୟାଙ୍କ ରିପୋର୍ଟରେ ପ୍ରକାଶ କରିଛି। ସେହିଭଳି ଜିଡିପି ହ୍ରାସ ୯.୮% ରହିବ ବୋଲି ଅନ୍ୟ କିଛି ପ୍ରମୁଖ ଏଜେନ୍ସି ରିପୋର୍ଟରେ କହିଛନ୍ତି। ଏଭଳି ସ୍ଥିତିରେ ଜିଡିପି ୧୦%ରୁ ଅଧିକ ଖସିବ ବୋଲି ରଏଟର୍ସ ଅର୍ଥନୀତିଜ୍ଞ ମତ ପ୍ରକାଶ କରିଛନ୍ତି। ଭାରତୀୟ ଅର୍ଥ ବ୍ୟବସ୍ଥାକୁ ଏହା ସବୁଠାରୁ ବଡ଼ ଧରଣର କ୍ଷତି ବୋଲି ଏହି ରିପୋର୍ଟରେ କୁହାଯାଇଛି। ୨୦୨୧-୨୨ରେ ଜିଡିପି ୯% ଏବଂ ୨୦୨୨-୨୩ରେ ୫.୭% ରହିବା ନେଇ ଆକଳନ କରାଯାଇଛି। ସେହିଭଳି ଜିଡିପି କୋଭିଡ୍ ପୂର୍ବସ୍ତରକୁ ଫେରିବା ଲାଗି ଅନ୍ତତଃ ପକ୍ଷେ ଗୋଟିଏ ବର୍ଷ ଲାଗିପାରେ। କ୍ଷତି ହୋଇଥିବା ଜିଡିପି ଭରଣାକରି ପୁଣି ଅଭିବୃଦ୍ଧି ହାସଲ କରିବା ନିଶ୍ଚିତ ପକ୍ଷେ ଭାରତ ଲାଗି ଏକ ଚ୍ୟାଲେଞ୍ଜ ହେବ ବୋଲି କୁହାଯାଇଛି।
ବଜାରର ସ୍ଥିତିକୁ ଠିକ୍ କରିବା ଲାଗି କେନ୍ଦ୍ର ସରକାର ୨୦ ଲକ୍ଷ କୋଟି ଟଙ୍କାର ପ୍ୟାକେଜ ଆଣିଛନ୍ତି। ମାତ୍ର ଏହା ବିଶେଷ ଫଳପ୍ରଦ ହୋଇପାରିନାହିଁ। କରୋନା ପ୍ରଭାବିତ ବଜାରରେ ଆର୍ଥତ୍କ କାର୍ଯ୍ୟକଳାପକୁ ଫେରାଇ ଆଣିବା ଦିଗରେ ଏହା ବିଶେଷ ଯୋଗଦାନ ରଖି ପାରିନାହିଁ ବୋଲି ରଏଟର୍ସ ପକ୍ଷରୁ ଅର୍ଥନୀତିଜ୍ଞଙ୍କୁ ନେଇ କରାଯାଇଥିବା ସର୍ଭେରେ ଏହା ପ୍ରକାଶ ପାଇଛି। ଭାରତରେ କରୋନା ସଂକ୍ରମଣ ଥମିବାର ନଁ। ନେଉନାହିଁ। ବର୍ତ୍ତମାନ ସାରା ଦେଶରେ ୭୫ ଲକ୍ଷ ଲୋକ ଏହି ସଂକ୍ରମଣର ଶିକାର ହୋଇଛନ୍ତି। ଆମେରିକା ପରେ ଭାରତ ସଂକ୍ରମଣରେ ଦ୍ୱିତୀୟ ସ୍ଥାନରେ ରହିଛି। କରୋନା ମାମଲା ବଢୁଥିବାରୁ ଏହାର ବଜାରକୁ ମଧ୍ୟ ଆଶଙ୍କାଗ୍ରସ୍ତ କରି ରଖିଛି। ଦରଦାମ ଉଚ୍ଚରେ ରହିଥିଲେ ମଧ୍ୟ ବଜାରର ଅଭିବୃଦ୍ଧିକୁ ନେଇ ରିଜର୍ଭ ବ୍ୟାଙ୍କ ଚିନ୍ତିତ ରହିଛି। ସେହି ଅନୁସାରେ କେନ୍ଦ୍ରୀୟ ବ୍ୟାଙ୍କ ପଦକ୍ଷେପ ଗ୍ରହଣ କରୁଛି। ଲୋକଙ୍କ ନିଯୁକ୍ତି ହ୍ରାସ ଏବଂ ଦରମା କାଟ ଭଳି ସମସ୍ୟା ଚାହିଦା ଉପରେ ପ୍ରଭାବ ପକାଉଥିବା ରଏଟର୍ସ ରିପୋର୍ଟରେ ପ୍ରକାଶ ପାଇଛି।
ସରକାର ବର୍ତ୍ତମାନ ଅଧିକାଂଶ କଟକଣା ବଜାରରୁ ଉଠାଇଦେଲେଣି। ହେଲେ ଲୋକଙ୍କ ମନରେ ଭୟ ରହିଥିବାରୁ ଆର୍ଥତ୍କ କାର୍ଯ୍ୟକଳାପ ଟ୍ରାକ୍କୁ ଫେରିବାରେ ସମସ୍ୟା ଉପୁଜୁଛି। ଦରଦାମ ଉଚ୍ଚରେ ରହିବା ଫଳରେ ନିକଟରେ ହୋଇଥିବା ମୁଦ୍ରାନୀତି କମିଟି ବୈଠକରେ ରିଜର୍ଭ ବ୍ୟାଙ୍କ ଏହାର ରେପୋ ହାରକୁ ଅପରିବର୍ତ୍ତିତ ରଖିଛି। ସେହି ଭଳି ଅର୍ଥ ବ୍ୟବସ୍ଥାକୁ ନେଇ ଏହାର ଅନୁମାନ ମଧ୍ୟ ନକାରାତ୍ମକ ରହିଛି। ଅର୍ଥ ବ୍ୟବସ୍ଥାରେ ଚାହିଦା ଫେରାଇ ଆଣିବା ଲାଗି ସରକାର ନିକଟରେ ପୁଣି ଥରେ ୭୩ ହଜାର କୋଟି ଟଙ୍କାର ଆର୍ଥତ୍କ ପ୍ୟାକେଜ ଘୋଷଣା କରିଛନ୍ତି। ୫୫ ଅର୍ଥନୀତିଜ୍ଞଙ୍କୁ ହୋଇ ରଏଟର୍ସର ଏହି ସର୍ଭେରେ ଭାରତୀୟ ଅର୍ଥ ବ୍ୟବସ୍ଥାକୁ ନେଇ ନିରାଶା ପ୍ରକଟ କରାଯାଇଛି। ପ୍ରାୟ ୯୦% ଅର୍ଥନୀତିଜ୍ଞ କହିଛନ୍ତି, ସରକାରଙ୍କ ପ୍ୟାକେଜ ଅର୍ଥ ବ୍ୟବସ୍ଥାରେ ଉତ୍ସାହ ଆଣିପାରିନାହିଁ। ଏହି ପରିପ୍ରେକ୍ଷୀରେ ଖାଉଟିଙ୍କ ଖର୍ଚ୍ଚ ବୃଦ୍ଧି ପୁଞ୍ଜି ଖର୍ଚ୍ଚ ଲାଗି ଯେଉଁ ଯୋଜନା ରହିଛି ତାହା ହୁଏତ ଭିନ୍ନ ହୋଇଛି। ମାତ୍ର ସରକାର ଏ ଦିଗରେ ଗ୍ରହଣ କରିଥିବା ବିତ୍ତୀୟ ପଦକ୍ଷେପ ପର୍ଯ୍ୟାପ୍ତ ନୁହେଁ ବୋଲି ଏଚ୍ଡିଏଫ୍ସି ବ୍ୟାଙ୍କର ବରିଷ୍ଠ ଅର୍ଥନୀତିଜ୍ଞ ସାକ୍ଷୀ ଗୁପ୍ତା ମତ ପ୍ରକାଶ କରିଛନ୍ତି। ସରକାର ଯେଉଁ ବଡ଼ ପ୍ୟାକେଜ ଘୋଷଣା କରିଛନ୍ତି ସେଥିରେ ନିଜସ୍ବ ଖର୍ଚ୍ଚ କମ୍ ବୋଲି ବୁଝାପଡିବ ଅର୍ଥାତ୍ ପ୍ୟାଜେକର ଅଧିକାଂଶ ଅଂଶ କେବଳ ଋଣ ଆକାରରେ ରହିଛି। ଅର୍ଥ ବ୍ୟବସ୍ଥା ଠିକ୍ ନ ଥିବା ବେଳେ ଋଣ ନେଇ ନିବେଶ କରିବାକୁ କିଏ ଆଗେଇ ଆସିବ ବୋଲି ବିଶେଷଜ୍ଞ ପ୍ରଶ୍ନ ଉଠାଇଛନ୍ତି।