ଲକ୍ଷ୍ନୌ,୨୮।୧୦: ଗୋରଖପୁର ଗୀତା ପ୍ରେସର ଟ୍ରଷ୍ଟି ବୈଜନାଥ ଅଗ୍ରୱାଲଙ୍କ ୯୦ ବର୍ଷ ବୟସରେ ପରଲୋକ ହୋଇଛି। ସେ ୧୯୫୦ରେ ଗୀତା ପ୍ରେସ ଟ୍ରଷ୍ଟରେ ଯୋଗ ଦେଇଥିଲେ। ସେ ସହରର ସିଭିଲ ଲାଇନ୍ସର ହରିଓମନଗର ବାସଭବନରେ ଶୁକ୍ରବାର ରାତିରେ ୯୦ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଥିଲେ। ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ତାଙ୍କୁ ଟ୍ରଷ୍ଟି ଭାବେ ସମ୍ମାନିତ କରିଥିଲେ।
ଶନିବାର ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ବୈଜନାଥ ଅଗ୍ରୱାଲଙ୍କ ଦେହାନ୍ତରେ ଦୁଃଖ ପ୍ରକାଶ କରିଛନ୍ତି। ଏକ୍ସରେ ମୁଖ୍ୟମନ୍ତ୍ରୀ ଯୋଗୀଆଦିତ୍ୟନାଥ ଲେଖିଛନ୍ତି, ତାଙ୍କର ପରଲୋକ ସମାଜ ପାଇଁ ଏକ ଅପୂରଣୀୟ କ୍ଷତି। ପ୍ରଭୁ ଶ୍ରୀ ରାମ ବିଦାୟ ପ୍ରାପ୍ତ ଆତ୍ମାଙ୍କୁ ତାଙ୍କ ପାଦରେ ସ୍ଥାନ ଦିଅନ୍ତୁ ଏବଂ ଶୋକସନ୍ତପ୍ତ ପରିବାର ସଦସ୍ୟ ତଥା ସମଗ୍ର ଗୀତା ପ୍ରେସ ପରିବାରକୁ ଏହି କ୍ଷତି ସହିବାକୁ ଶକ୍ତି ଦିଅନ୍ତୁ।