ଓ୍ବାଶିଂଟନ,୫।୧: ଜର୍ଜ ସୋରୋସ, ଯାହାଙ୍କ ପ୍ରସଙ୍ଗରେ ଭାରତରେ ଶାସକ ଦଳ ଏବଂ ବିରୋଧୀଙ୍କ ମଧ୍ୟରେ ତୁତୁମେମେ ଚାଲିଛି, ତାଙ୍କୁ ଆମେରିକାର ସର୍ବୋଚ୍ଚ ନାଗରିକ ସମ୍ମାନ ପ୍ରଦାନ କରାଯାଇଛି। ଆମେରିକାର ରାଷ୍ଟ୍ରପତି ଜୋ ବାଇଡେନ ଏହା ଘୋଷଣା କରିଛନ୍ତି।
ଜର୍ଜ ସୋରୋସଙ୍କ ପୁଅ ଆଲେକ୍ସ ସୋରୋସ ଏହି ପଦକ ଗ୍ରହଣ କରିଥିଲେ। ସୋରୋସଙ୍କ ବ୍ୟତୀତ ହିଲାରୀ କ୍ଲିଣ୍ଟନଙ୍କ ସମେତ ୧୯ ଜଣଙ୍କ ନାମ ଘୋଷଣା କରାଯାଇଥିଲା। ବର୍ତ୍ତମାନ ବାଇଡେନଙ୍କ ନିଷ୍ପତ୍ତି ଉପରେ ଏଲୋନ ମସ୍କ କ୍ରୋଧି ପ୍ରକାଶ କରିଛନ୍ତି। ସେ ଏହାକୁ ହାସ୍ୟାସ୍ପଦ ବୋଲି କହିଛନ୍ତି।
ଆମେରିକାର ସର୍ବୋଚ୍ଚ ନାଗରିକ ସମ୍ମାନକୁ ରାଷ୍ଟ୍ରପତି ପଦକ ବୋଲି କୁହାଯାଏ। ଶନିବାର ରାଷ୍ଟ୍ରପତି ବାଇଡେନ ୧୯ଜଣଙ୍କୁ ସମ୍ମାନିତ କରିଥିଲେ ଯେଉଁମାନେ ରାଜନୀତି, ସାମାଜିକ ସେବା, କ୍ରୀଡା ଏବଂ କଳା କ୍ଷେତ୍ରରେ ସହଯୋଗ କରିଥିଲେ।
ଆମେରିକୀୟ ନିବେଶକ ଜର୍ଜ ସୋରୋସ ଓପନ ସୋସାଇଟି ଫାଉଣ୍ଡେସନ ନାମକ ଏକ ସଂସ୍ଥା ଚଳାନ୍ତି । ହ୍ବାଇଟ ହାଉସ ଅନୁଯାୟୀ ଗଣତନ୍ତ୍ର, ମାନବିକ ଅଧିକାର, ଶିକ୍ଷା ତଥା ସାମାଜିକ ନ୍ୟାୟକୁ ଦୃଢ କରୁଥିବା ବିଶ୍ୱସ୍ତରୀୟ ପଦକ୍ଷେପ ଉପରେ ଧ୍ୟାନ ଦେଇଥିବାରୁ ତାଙ୍କୁ ସମ୍ମାନିତ କରାଯାଇଥିଲା।
