ଗାଜିଆବାଦ, ୨୪।୬- ଉତ୍ତର ପ୍ରଦେଶର ଗାଜିଆବାଦ ସହରରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଜଣେ ବ୍ୟକ୍ତି କରୋନା ପଜିଟିଭ ବୋଲି ଜଣାପଡ଼ିବା ପରେ ଏଥିରେ ଭାଙ୍ଗିପଡ଼ି ଆତ୍ମହତ୍ୟା କରିଛନ୍ତି। ଗତ ୬ ଦିନ ହେବ ସେ ଜ୍ୱରରେ ପୀଡ଼ିତ ଥିଲେ। ଏହାପରେ ଡାକ୍ତରଙ୍କ ପରାମର୍ଶକ୍ରମେ ସେ କରୋନା ଟେଷ୍ଟ କରିଥିଲେ। କରୋନା ଟେଷ୍ଟ ରିପୋର୍ଟ ମଙ୍ଗଳବାର ରାତିରେ ପଜିଟିଭ ଆସିବା ପରେ ସେ ବ୍ୟସ୍ତ ବିବ୍ରତ ହୋଇପଡ଼ିଥିଲେ। ଘର ଲୋକ ତାଙ୍କୁ ବହୁତ ବୁଝାଇଥିଲେ ମଧ୍ୟ ସମସ୍ତେ ଶୋଇ ପଡ଼ିଲା ପରେ ଏହି ବ୍ୟକ୍ତି ଜଣଙ୍କ ପଙ୍ଖାରେ ଝୁଲି ପଡ଼ି ଆତ୍ମହତ୍ୟା କରିଥିଲେ। ମୃତ ବ୍ୟକ୍ତିଙ୍କ ୭୦ ବର୍ଷୀୟ ବୃଦ୍ଧା ମାଆ, ସ୍ତ୍ରୀ ଓ ପୁଅଙ୍କ ସମେତ ୧୦ଜଣ ଲୋକଙ୍କୁ ସ୍ଥାନୀୟ ପ୍ରଶାସନ କ୍ୱାରାଣ୍ଟାଇନରେ ନେବ ବୋଲି ଜଣାପଡ଼ିଛି।