କନ୍ନଡ ସୁପରଷ୍ଟାର ଶିବକୁମାରଙ୍କ ବହୁ ପ୍ରତୀକ୍ଷିତ ଆକ୍ସନ ଥ୍ରୀଲର ଫିଲ୍ମ ‘ଘୋଷ୍ଟ’ର ଟ୍ରେଲର ହିନ୍ଦୀରେ ରିଲିଜ୍ ହୋଇଛି। ଆକ୍ସନ ପ୍ୟାକ ହୋଇଥିବା ଫିଲ୍ମ ‘ଘୋଷ୍ଟ’ର ଟ୍ରେଲର ରିଲିଜ ହେବା ମାତ୍ରେ ପ୍ରଶଂସକ ଫିଲ୍ମକୁ ନେଇ ଉତ୍ସାହିତ ହୋଇପଡିଛନ୍ତି। ଟ୍ରେଲରରେ ଶିବକୁମାରଙ୍କ ଆକ୍ସନ-ପ୍ୟାକ ହୋଇଥିବା ଅବତାର ପ୍ରଦର୍ଶିତ ହୋଇଛି। ଶିବକୁମାରଙ୍କ ସହ ଭେଟେରାନ ଅଭିନେତା ଅନୁପମ ଖେର ମଧ୍ୟ ‘ଘୋଷ୍ଟ’ରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ।
ଏହି ଫିଲ୍ମରେ ମୁଖ୍ୟ ଭୂମିକାରେ ଅଭିନୟ କରୁଥିବା ଶିବକୁମାରଙ୍କୁ ଜେଲ ଦଖଲ କରିବାକୁ ଯାଉଥିବା ଜଣେ ଗ୍ୟାଙ୍ଗଷ୍ଟର ଭୂମିକାରେ ଦେଖିବାକୁ ମିଳିବ। ଅନୁପମ ଖେରଙ୍କ ଚରିତ୍ର ମଧ୍ୟ ବହୁତ ସ୍ବତନ୍ତ୍ର ହେବାକୁ ଯାଉଛି। ଏହି ଫିଲ୍ମଟିକୁ ବ୍ଲକବଷ୍ଟର ହିଟ ‘ବିରବଲ’ ଫେମ୍ ଶ୍ରୀନୀ ନିର୍ଦ୍ଦେଶନା ଦେଇଛନ୍ତି। ଏହି ଫିଲ୍ମଟି ଚଳିତ ବର୍ଷ ଅକ୍ଟୋବର ୧୯ରେ ପ୍ରେକ୍ଷାଳୟରେ ମୁକ୍ତିଲାଭ କରିବ।
