ନୂଆଦିଲ୍ଲୀ,୨୭ ।୧: କଂଗ୍ରେସର ବରିଷ୍ଠ ନେତା ତଥା ଜମ୍ମୁ-କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଗୁଲାମ ନବି ଆଜାଦଙ୍କୁ ମିଳିବ ପଦ୍ମ ଭୂଷଣ ସମ୍ମାନ । ଏହା ଘୋଷଣା ହେବା ପରେ ଏବେ କଗ୍ରେସରେ ତିକ୍ତତା ଆରମ୍ଭ ହୋଇଛି । ପୂର୍ବତନ କେନ୍ଦ୍ରମନ୍ତ୍ରୀ ଜୟରାମ ରମେଶ ଏହି ସମ୍ମାନନୁ ଦେଇ ଗୁଲାମ ନବିଙ୍କୁ କଟାକ୍ଷ କରିଥିବା ବେଳେ ଅନ୍ୟପଟେ ଦଳର ‘ଜି ୨୩’ନେତାଙ୍କ ମଧ୍ୟରେ ସାମିଲ କେତେଜଣ ନେତା ଗୁଲାମ ନବି ଆଜାଦଙ୍କୁ ଶୁଭେଚ୍ଛା ଜଣାଇଛନ୍ତି । ହେଲେ କଂଗ୍ରେସର ଅସ୍ଥାୟୀ ଅଧ୍ୟକ୍ଷା ସୋନିଆ ଗାନ୍ଧୀ ଓ ପୂର୍ବତନ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଏପର୍ଯ୍ୟନ୍ତ ଗୁଲାମ ନବିଙ୍କୁ ଶୁଭେଚ୍ଛା ଜଣାଇ ନାହାନ୍ତି ।
ଜୟରାମ ରମେଶ ଟୁଇଟ୍ କରି କହିଛନ୍ତି, ପଶ୍ଚିମବଙ୍ଗର ପୂର୍ବତନ ମୁଖ୍ୟମନ୍ତ୍ରୀ ବୁଦ୍ଧଦେବ ଭଟ୍ଟାଚାର୍ଜ ପଦ୍ମ ଭୂଷଣ ସମ୍ମାନ ନେବାକୁ ମନା କରି ଉଚିତ କରିଛନ୍ତି । କାରଣ ସେ ଆଜାଦ ରହିବାକୁ ଚାହାନ୍ତି ଗୁଲାମ ନୁହେଁ । ଏବେ ରମେଶଙ୍କ ଏହି ଟିପ୍ପଣିକୁ ନେଇ ଅନ୍ୟ କଂଗ୍ରେସ ନେତାକାନେ ତାଙ୍କୁ ସାମଲୋଚନା କରିଛନ୍ତି । କଂଗ୍ରେସ ଏସବୁ ଚିନ୍ତାଧାରା ଉପରକୁ ଯିବା ଦରକାରବୋଲି କହିଛନ୍ତି ପୂର୍ବତନ ଆଇନ ମନ୍ତ୍ରୀ ଅଶ୍ୱିନି କୁମାର । ସେହିପରି କଂଗ୍ରେସର ପୂର୍ବତନ ନେତା ସୁସ୍ମିତା ଦେବ କହିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ତରୁଣ ଗୋଗୋଇଙ୍କୁ ପଦ୍ମ ଭୂଷଣ ଓ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କୁ ଭାରତ ରତ୍ନ ମିଳିବା କ’ଣ ସେମାନଙ୍କୁ ଗୁଲାମ କରିଦେଇଥିଲା ।
