ଶ୍ରୀନଗର,୨୫।୧୨: ଡେମୋକ୍ରାଟିକ ଆଜାଦ ପାର୍ଟି (ଡିଏପି)ର ସଭାପତି ଗୁଲାମ ନବୀ ଆଜାଦ କଶ୍ମୀରୀ ପଣ୍ଡିତଙ୍କ ସୁରକ୍ଷାକୁ ନେଇ ଚିନ୍ତିତ ଅଛନ୍ତି। ରବିବାର ସେ କହିଛନ୍ତି, ଯେପର୍ଯ୍ୟନ୍ତ କଶ୍ମୀରରେ ସ୍ଥିତି ସୁଧାର ନ ହୁଏ ସେ ପର୍ଯ୍ୟନ୍ତ କଶ୍ମୀର ପଣ୍ଡିତ କର୍ମଚାରୀଙ୍କୁ ଜମ୍ମୁକୁ ସ୍ଥାନାନ୍ତର କରାଯିବା ଉଚିତ। ଚାକିରି ଅପେକ୍ଷା ଜୀବନ ଅଧିକ ଗୁରୁତ୍ୱପୂର୍ଣ୍ଣ । ତେଣୁ କଶ୍ମୀର ପଣ୍ଡିତ କର୍ମଚାରୀଙ୍କୁ ଜମ୍ମୁର ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଉ। ପରିସ୍ଥିତି ସୁଧାରିବା ପରେ ସେମାନେ ପୁଣି ସେହି ସ୍ଥାନକୁ ଫେରିଯିବେ। ଯଦି ତାଙ୍କ ଦଳ ଏଠାରେ କ୍ଷମତାକୁ ଭୋଟ ଦିଆଯାଏ ତେବେ ସେ ଏପରି ପଦକ୍ଷେପ ନେବାକୁ ପ୍ରତିଶୃତି ଦେଇଛନ୍ତି।
ଜମ୍ମୁ କଶ୍ମୀରରେ ବିଧାନସଭା ନିର୍ବାଚନରେ ବିଳମ୍ବ ବିଷୟରେ ପଚରାଯିବାରୁ ଆଜାଦ କହିଛନ୍ତି, ଆମେ ଗତ ୬ ବର୍ଷ ହେବ ଅପେକ୍ଷା କରିଛୁ। ସଂସଦରେ ମଧ୍ୟ ମୁଁ ଏହି ପ୍ରସଙ୍ଗକୁ ଅନେକ ଥର ଉଠାଇଥିଲି। ସେମାନେ ଆମକୁ ପଞ୍ଚାୟତ ନିର୍ବାଚନ କିମ୍ବା ଡିଡିସି ନିର୍ବାଚନ ଦେଖାଉଛନ୍ତି, କିନ୍ତୁ ପ୍ରକୃତ ବିଧାନସଭା ନିର୍ବାଚନ ହେଉ ନାହିଁ।