ଓ୍ବାଶିଂଟନ,୧୧ା୩: ଅନେକ ଥର ଏମିତି ଖବର ସାମ୍ନାକୁ ଆସିଥାଏ, ଯେଉଁଥିରେ ସୃଷ୍ଟି ଧ୍ୱଂସ ହେବାର ସମ୍ଭାବନା ପ୍ରକାଶ ପାଇଥାଏ। କୁହାଯାଏ, ବିଶ୍ୱ ଏପରି ଦିନେ ନା ଦିନେ ଶେଷ ହେବ। ପୁଣି ସେମିତି ଏକ ଖବର ସାମ୍ନାକୁ ଆସିଛି। ନାସା ଅନୁଯାୟୀ, ଶନିବାରଠାରୁ ତିନି ଦିନ ପରେ ଏକ ବିଶାଳ ଗ୍ରହ ପୃଥିବୀକୁ ଆସିପାରେ। ଏହି ଗ୍ରହର ଆକାର ୧୦ ମହଲା କୋଠାଠାରୁ ବି ବଡ଼ ଏବଂ ଏହା ପୃଥିବୀ ଆଡ଼କୁ ବହୁତ ଦ୍ରୁତଗତିରେ ମାଡ଼ି ଆସୁଛି।
ଏହି ବଡ଼ ଗ୍ରହକୁ ୨୦୨୩ ସିଏମ୍ ନାମରେ ନାମିତ କରାଯାଇଛି। ଏହାର ଉଚ୍ଚତା ପ୍ରାୟ ୧୮୦ ମିଟର ଅର୍ଥାତ୍ ୫୯୦ ଫୁଟ ବୋଲି କୁହାଯାଏ। ଏହି ଗ୍ରହଟି ଘଣ୍ଟା ପ୍ରତି ପ୍ରାୟ ୫୦, ୪୭୪ କିଲୋମିଟର ବେଗରେ ପୃଥିବୀ ଆଡ଼କୁ ମାଡ଼ି ଆସୁଛି। ନାସା ପ୍ରଥମେ ୨ ଫେବୃୟାରୀରେ ଏହି ଗ୍ରହକୁ ଦେଖିଥିଲା। ସେବେଠାରୁ ଏହାକୁ ନିରନ୍ତର ତଦାରଖ କରାଯାଉଥିଲା। ବର୍ତ୍ତମାନ ଯେଉଁ ଗତି ସହିତ ଏହା ବୃଦ୍ଧି ପାଉଛି, ଅନୁମାନ କରାଯାଇଛି ଯେ, ତିନି ଦିନ ପରେ ଏହା ପୃଥିବୀର ଅତି ନିକଟବର୍ତ୍ତୀ ହେବ।
ନାସା ଏହି ଗ୍ରହକୁ ପୃଥିବୀ ପାଇଁ ବିପଜ୍ଜନକ ବୋଲି କହିଛି। ଏହା ଘଣ୍ଟା ପ୍ରତି ୨୫ ହଜାରରୁ ୪୦ ହଜାର କିଲୋମିଟର ବେଗରେ ଗତି କରୁଛି। ଯଦି ଏହା ପୃଥିବୀର ନିକଟତର ହେବା ସମୟରେ ଟିକିଏ ଗତି ପରିବର୍ତ୍ତନ କରେ କିମ୍ବା ପୃଥିବୀର ମାଧ୍ୟାକର୍ଷଣ ହେତୁ ଯଦି ଏହାର ପଥରେ ସାମାନ୍ୟ ବାଧା ଆସେ, ତେବେ ଏହା ପୃଥିବୀ ସହିତ ଧକ୍କା ହେବ ଏବଂ ଏତେ ଉଚ୍ଚ ଗତି ହେତୁ ପୃଥିବୀ ଧ୍ୱଂସ ହେବାର ସମ୍ଭାବନା ରହିଛି।