ଲଣ୍ଡନ,୧୪।୯: ହିମଯୁଗରେ ଉତ୍ତର ଆମେରିକା ଏବଂ ୟୁରେସିଆ ଅଞ୍ଚଳରେ ବାସ କରୁଥିବା ବିଶାଳକାୟ ମାମୋଥ୍ ପୁଣି ଜନ୍ମ ନେବେ। ମାମୋଥ୍ ପଲ ମାତ୍ର ୬ ବର୍ଷ ମଧ୍ୟରେ ଆଉଥରେ ଆକର୍ଟିକ ଜଙ୍ଗଲକୁ ଫେରିବେ। ଏନେଇ ଏକ ପ୍ରକଳ୍ପ ଆରମ୍ଭ ହୋଇଛି। ମାଟି ତଳେ ପୋତି ହୋଇ ରହିଥିବା ମାମୋଥ ଜୀବାଶ୍ମରୁ ସମ୍ପୂର୍ଣ୍ଣ ଶରୀରକୁ ସୃଷ୍ଟି କରାଯିବ।
ଏନେଇ ଫଣ୍ଡି ଯୋଗାଡ଼ ଜାରି ରହିଛି। ଅତ୍ୟାଧୁନିକ ବିଜ୍ଞାନ ଦ୍ୱାରା ଅସମ୍ଭବ ସମ୍ଭବ ହେବାକୁ ଯାଉଛି ବୋଲି ଗଣମାଧ୍ୟମ ସଂସ୍ଥା ଦ ଗାର୍ଜିୟନ୍ରେ ରିପୋର୍ଟ ପ୍ରକାଶ ପାଇଛି। ଏନେଇ ବେନ୍ ଲେମ୍ ଏବଂ ଜର୍ଜ ଚର୍ଚ୍ଚଙ୍କ ପକ୍ଷରୁ ଉଦ୍ୟମ ଆରମ୍ଭ ହୋଇଛି। ବେନ୍ ଜଣେ ମେଗା ନିବେଶକ ଥିବାବେଳେ ଜର୍ଜ ଜଣେ ଧନୀ ବ୍ୟବସାୟୀ। ଏହି ପ୍ରୋଜେକ୍ଟ ପାଇଁ ସେମାନେ ୧୧ ନିୟୁତ ପାଉଣ୍ଡ ଯୋଗାଡ଼ କରିଛନ୍ତି।
ସୋମବାର ଏହି ପ୍ରୋଜେକ୍ଟ ସମ୍ପର୍କରେ ଘୋଷଣା କରାଯାଇଛି। ୧୦.୦୦୦ ବର୍ଷ ତଳେ ମାମୋଥ ପୃଥିବୀ ପୃଷ୍ଠରୁ ଲୋପ ପାଇଥିଲେ। ଏବେ ସେମାନଙ୍କୁ କବରରୁ ଫେରାଇ ଅଣାଯିବାର ପ୍ରୟାସ କରାଯାଉଛି।
ମାମୋଥ ମାଇନସ୍ ୪୦ ଡିଗ୍ରୀ ସେଲସିୟସ୍ ତାପମାତ୍ରାରେ ମଧ୍ୟ ଜୀବିତ ରହିବାକୁ ସକ୍ଷମ ହୋଇପାରୁଥିଲା। ଏବେ ସେସବୁ ସମ୍ଭବ ହେବ ବୋଲି କୋଲୋସାଲ ଜିନ୍ ଏଡିଟିଙ୍ଗ୍ରେ ଦକ୍ଷ ଥିବା ପ୍ରୋଜେକ୍ଟର ଦୁଇ ଅଂଶୀଦାର ବେନ୍ ଏବଂ ଜର୍ଜ କହିଛନ୍ତି।