ଧର୍ମଶାଳା, ୨୩ା୧୦ (ପି.ଟି.): ଭାରତୀୟ ଓପନର ଶୁବମନ ଗିଲ୍ ଅନ୍ତର୍ଜାତୀୟ ଦିନିକିଆ କ୍ରିକେଟରେ ୨୦୦୦ ରନ ପୂରଣ କରିବାରେ ଦ୍ରୁତତମ ଖେଳାଳି ହୋଇଛନ୍ତି। ଏଠାରେ ରବିବାର ନ୍ୟୁଜିଲାଣ୍ଡ ବିପକ୍ଷ ବିଶ୍ୱକପ୍ ମ୍ୟାଚ ବେଳେ ସେ ଏହି ସଫଳତା ହାସଲ କରିଛନ୍ତି। ଗିଲ୍ ୩୮ ଇନିଂସରେ ଏହି ମାଇଲଖୁଣ୍ଟରେ ପହଞ୍ଚତ୍ଛନ୍ତି। ଏହାଦ୍ୱାରା ସେ ଦକ୍ଷିଣ ଆଫ୍ରିକାର ହାଶିମ ଅମ୍ଲାଙ୍କ ରେକର୍ଡକୁ ଭଙ୍ଗ କରିଦେଇଛନ୍ତି। ଅମ୍ଲା ଅନ୍ତର୍ଜାତୀୟ ଦିନିକିଆରେ ୨୦୦୦ ରନ ପୂରଣ କରିବା ଲାଗି ୪୦ଟି ଇନିଂସ ନେଇଥିଲେ। ୨୪ ବର୍ଷୀୟ ଭାରତୀୟ ବାଂଲାଦେଶ ବିପକ୍ଷରେ ତାଙ୍କ ପୂର୍ବ ମ୍ୟାଚରେ ୫୩ ରନ ସ୍କୋର କରିଥିଲେ। ଏହି ମାଇଲଖୁଣ୍ଟରେ ପହଞ୍ଚତ୍ବା ଲାଗି ସେତେବେଳ ତାଙ୍କର ୧୪ ରନ ଦରକାର ପଡୁଥିଲା। ରବିବାର ଭାରତୀୟ ରନ୍ ଚେଜ୍ ବେଳେ ୭ମ ଓଭରରେ ଟ୍ରେଣ୍ଟ ବୋଲ୍ଟଙ୍କ ବଲ୍ରେ ଏକ ଚୌକା ମାରି ଏହି ସଫଳତା ହାସଲ କରିଥିଲେ। ଗିଲ୍ ୧୪ତମ ଓଭରରେ ଲୋକି ଫର୍ଗୁସନଙ୍କ ବଲ୍ରେ ଆଉଟ ହେବା ପୂର୍ବରୁ ୩୧ ବଲ୍ରେ ୨୬ ରନ ସଂଗ୍ରହ କରିଥିଲେ। ଅମ୍ଲା ୨୦୧୧ ଜାନୁୟାରୀ ୨୧ରେ ପୋଟଁ ଏଲିଜାବେଥସ୍ଥି ସେଣ୍ଟ ଜର୍ଜ ପାର୍କଠାରେ ଦକ୍ଷିଣ ଆଫ୍ରିକାର ଭାରତ ବିପକ୍ଷ ମ୍ୟାଚ ବେଳେ ରେକର୍ଡ ପ୍ରତିଷ୍ଠା କରିଥିଲେ। ସୂଚନାଯୋଗ୍ୟ, ଗିଲ୍ ଡେଙ୍ଗୁରେ ପୀଡ଼ିତ ହେବାରୁ ସେ ଅଷ୍ଟ୍ରେଲିଆ ଓ ଆଫଗାନିସ୍ତାନ ବିପକ୍ଷ ଭାରତର ପ୍ରଥମ ଦୁଇ ବିଶ୍ୱକପ୍ ମ୍ୟାଚ ଖେଳି ନ ଥିଲେ। ପରେ ସେ ପାକିସ୍ତାନ ବିପକ୍ଷ ମ୍ୟାଚରେ ଭାରତୀୟ ଦଳକୁ ଫେରିଥିଲେ। ଏହି ମ୍ୟାଚରେ ସେ ୧୬ ରନ କରିଥିଲେ।