ମୁମ୍ବାଇ,୨।୧୧: ଦିନିକିଆ ବିଶ୍ୱକପ ୨୦୨୩ର ଶ୍ରୀଲଙ୍କା ବିପକ୍ଷ ଏକ ମ୍ୟାଚ୍ରେ ଭାରତୀୟ ଓପନର୍ ଶୁଭମନ ଗିଲ ମାତ୍ର ୮ ରନ ପାଇଁ ଶତକରୁ ବଞ୍ଚିତ ହୋଇଛନ୍ତି। ସେ ୯୨ ରନ୍ରେ ଆଉଟ ହୋଇଥିବା ଗିଲ ପ୍ରଥମ ଥର ପାଇଁ ନର୍ଭସ ନାଇଣ୍ଟିଜ୍ର ଶିକାର। ପ୍ରଥମ ଓଭରରେ ୯୦ ରନ ସ୍କୋର ଅତିକ୍ରମ କରିବା ପରେ ଗିଲ ତାଙ୍କ ଶତକ ପୂରଣ କରିପାରି ନ ଥିଲେ।
ପ୍ରଥମେ ବ୍ୟାଟିଂ କରିବାକୁ ଆସିଥିବା ଭାରତୀୟ ଦଳ ପ୍ରଥମ ଓଭରର ଦ୍ୱିତୀୟ ବଲରେ ଅଧିନାୟକ ରୋହିତ ଶର୍ମାଙ୍କ ରୂପରେ ପ୍ରଥମ ଉଇକେଟ ହରାଇଥିଲା। କିନ୍ତୁ ଅଧିନାୟକଙ୍କ ସାଥୀ ଓପନର୍ ଶୁଭମନ ଗିଲ କ୍ରିଜରେ ରହିଥିଲେ। ଏହି ସମୟରେ ବିରାଟ କୋହଲି ଗିଲଙ୍କୁ ସମର୍ଥନ କରିଥିଲେ। ଗିଲ ଅର୍ଦ୍ଧଶତକ ପୂରଣ କରିବା ପରେ ବିଶ୍ୱକପର ପ୍ରଥମ ଶତକ ଆଡ଼କୁ ଗତି କରିଥିଲେ। କିନ୍ତୁ ୯୨ ବଲ୍ରେ ୯୨ରନ୍ରେ ଆଉଟ ହୋଇଥିଲେ। ଏଥିରେ ୧୧ ଚୌକା ଏବଂ ୨ ଛକା ସାମିଲ ଥିଲା। ୩୦ତମ ଓଭରର ଶେଷ ବଲରେ ଶ୍ରୀଲଙ୍କା ପେସର୍ ଦିଲଶାନ ମଦୁଶଙ୍କା ତାଙ୍କୂ ପାଭିଲିୟନକୁ ରାସ୍ତା ଦେଖାଇଥିଲେ। ଟୁର୍ଣ୍ଣାମେଣ୍ଟର ପଞ୍ଚମ ଇନିଂସରେ ଏହା ଗିଲଙ୍କ ଦ୍ୱିତୀୟ ଅର୍ଦ୍ଧଶତକ ଥିଲା। ଏହାପୂର୍ବରୁ ସେ ବାଂଲାଦେଶ ବିପକ୍ଷ ମ୍ୟାଚରେ ୫୩ ରନର ଇନିଂସ ଖେଳିଥିଲେ।