ଏବେ ଫ୍ୟାଶନ୍ପ୍ରେମୀ ଯୁବପିଢ଼ିଙ୍କ ପାଇଁ ଗିଙ୍ଗ୍ହମ୍ ଆଉଟ୍ଫିଟ୍ ପାଲଟିଛି ଲାଟେଷ୍ଟ ଟ୍ରେଣ୍ଡ। ଏହା ସବୁ ସିଜନ୍ରେ ପିନ୍ଧିଲେ ଭଲ ଲାଗିବା ସହ କ୍ଲାସି ଲୁକ୍ ମଧ୍ୟ ଦେଇଥାଏ। ହେଲେ ଓ୍ବିଣ୍ଟର ଓ୍ବିୟର ଭାବେ ଏହା ୟୁନିକ୍ ଲୁକ୍ ଦେଇଥାଏ। ତେବେ ଏହାର ବଢ଼ୁଥିବା ଡିମାଣ୍ଡକୁ ଆଖି ଆଗରେ ରଖି ବର୍ତ୍ତମାନ ମାର୍କେଟ୍ରେ ଗିଙ୍ଗ୍ହମ୍ ପ୍ରିଣ୍ଟର ଡ୍ରେସ୍ଠାରୁ ଆରମ୍ଭ କରି ଓ୍ବାନ୍ ସାଇଡ୍ ବ୍ୟାଗ୍ ପର୍ଯ୍ୟନ୍ତ ସବୁର କଲେକ୍ସନ ପାଇପାରିବେ…
ଯଦି ଆପଣଙ୍କୁ ଚେକ୍ ଷ୍ଟାଇଲ୍ର ଡ୍ରେସ୍ ପିନ୍ଧିବାକୁ ବହୁତ ପସନ୍ଦ, ତେବେ ଗିଙ୍ଗ୍ହମ୍ ଫ୍ୟାଶନ୍ ଟ୍ରାଏ କରନ୍ତୁ। ଏମିତିକି ଆପଣ ଯଦି ଏହାକୁ ଅଫିସ୍ ପାଇଁ କ୍ୟାରି କରୁଛନ୍ତି, ଏଥିରେ ଆପଣ କ୍ଲାସି ଲୁକ୍ ପାଇବେ।
ଡେଲି ଓ୍ବିୟର କିମ୍ବା ଅଫିସ୍ ପାଇଁ ଯଦି କିଛି ସିମ୍ପଲ ଏବଂ କମ୍ଫର୍ଟ ଲୁକ୍ ଦେଉଥିବା ପ୍ୟାଣ୍ଟ କିମ୍ବା ଲେଗିନ୍ସ କ୍ୟାରି କରିବାକୁ ଚାହୁଁଛନ୍ତି, ତେବେ ଗିଙ୍ଗ୍ହମ୍ ପ୍ରିଣ୍ଟର ପ୍ୟାଣ୍ଟ ଟ୍ରାଏ କରନ୍ତୁ। କଟନ୍ କିମ୍ବା ଉଲେନ୍ ମ୍ୟାଟେରିଆଲରେ ମଧ୍ୟ ଏହି ପ୍ରିଣ୍ଟ ଉପଲବ୍ଧ। ତେବେ ସ୍ମାର୍ଟ ଦେଖାଯିବା ପାଇଁ ଏଥିରେ ଲଙ୍ଗ୍ ଜ୍ୟାକେଟ୍ କିମ୍ବା ଶ୍ରଗ୍ ପିନ୍ଧି ପାରିବେ।
ଶୀତଦିନେ ଜ୍ୟାକେଟ୍ କ୍ୟାରି କରୁଥିଲେ ଥଣ୍ଡାରୁ ଉପଶମ ସହ ଷ୍ଟାଇଲିଶ୍ ଲୁକ୍ ପାଇଁ ଗିଙ୍ଗ୍ହମ୍ ପ୍ରିଣ୍ଟର ଜ୍ୟାକେଟ୍ ଟ୍ରାଏ କରନ୍ତୁ। ଏହାର ହାଇ ଏବଂ ମିଡିୟମ୍ ନେକ୍ ଜ୍ୟାକେଟଠାରୁ ଆରମ୍ଭ କରି ଲଙ୍ଗ୍ କୋର୍ଟ ମଧ୍ୟ ଉପଲବ୍ଧ। ଏହି ଲୁକ୍ରେ ଫୁଟ୍ଓ୍ବେୟାର୍ ପାଇଁ ବୁଟ୍ ମ୍ୟାଚ୍ କରିପାରିବେ।
ଶୀତଦିନେ ଆଉଟିଂ ଲାଗି ଫ୍ୟାଶନେବୁଲ୍ ସ୍ବେଟର ଡ୍ରେସ୍ ବାଛୁଥିଲେ ଗିଙ୍ଗ୍ହମ୍ ପ୍ରିଣ୍ଟ୍ର ସ୍ବେଟର୍ କ୍ୟାରି କରନ୍ତୁ। ଏହି ସ୍ବେଟର୍ ସହ ଲଙ୍ଗ୍ ନି ହାଇ ବୁଟସ୍ ପେୟାର୍ କରିପାରିବେ।…
ନିଜ ଆଉଟ୍ଫିଟ୍ରେ ଗିଙ୍ଗ୍ହମ୍ ପ୍ରିଣ୍ଟ୍ର ଆସେସରିଜ୍ କ୍ୟାରି କରିବାକୁ ଚାହୁଁଥିଲେ ଗିଙ୍ଗ୍ହମ୍ ସ୍କାର୍ଫକୁ ଟିମ୍ଅପ୍ କରିପାରିବେ। ଟି-ଶାର୍ଟଠାରୁ ଆରମ୍ଭ କରି ଜ୍ୟାକେଟ୍ ପର୍ଯ୍ୟନ୍ତ ଏହି ସ୍କାର୍ଫ ଆପଣଙ୍କୁ କ୍ଲାସି ଲୁକ୍ ଦେବ।
ଆଉଟିଂ ହେଉ କି ଅଫିସ୍ ଅବା ପାର୍ଟିରେ ୟୁନିକ୍ ଲୁକ୍ ପାଇଁ ଗିଙ୍ଗ୍ହମ୍ ପ୍ରିଣ୍ଟ୍ର ହ୍ୟାଣ୍ଡ ବ୍ୟାଗ୍ କ୍ୟାରି କରିପାରିବେ। ଏହି ଷ୍ଟାଇଲ୍ ଛୋଟ ହ୍ୟାଣ୍ଡ ବ୍ୟାଗ୍ଠାରୁ ଆରମ୍ଭ କରି ଓଭର୍ସାଇଜ୍ ବ୍ୟାଗ୍ ଯାଏ ମାର୍କେଟରେ ଉପଲବ୍ଧ। ତେବେ ଧ୍ୟାନରଖନ୍ତୁ, ଏହି ଗିଙ୍ଗ୍ହମ୍ ଆସେସରିଜ୍ କ୍ୟାରି କରୁଥିଲେ ଏହି ପ୍ରିଣ୍ଟ୍ର ଆଉଟ୍ଫିଟ୍ ବଦଳରେ ସିଙ୍ଗଲ୍ କଲରର ଆଉଟ୍ଫିଟ୍ ବାଛନ୍ତୁ ଅଧିକ ଆଇକ୍ୟାଚି ଲାଗିବ।