ପୁଣେ,୨୪ା୧୦: ମହାରାଷ୍ଟ୍ରର ଔରଙ୍ଗାବାଦରେ ଜଣେ ଯୁବତୀ ଭିନ୍ନ ଢଙ୍ଗରେ ଜନ୍ମଦିନ ପାଳିଛନ୍ତି। ଯାହା ଦେଖଣାହାରୀଙ୍କୁ ଆଶ୍ଚର୍ଯ୍ୟ କରିଛି।
ପୁଣ୍ଡଲିକ ନାଗର ଥାନା ପୋଲିସ ଇନ୍ସପେକ୍ଟର ଘନଶ୍ୟାମ ସୋନାଓ୍ବାନେ କହିଛନ୍ତି ଯେ, ଏହି ଘଟଣାଟି ଗତ ୪ ତାରିଖର। ବିଳମ୍ବିତ ରାତିରେ ପୁଣ୍ଡଲିକ ନାଗର ଥାନା ଅଞ୍ଚଳରେ ଜଣେ ଯୁବତୀ ବିୟର ପିଇ କାର୍ ଛାତରେ ଚଢ଼ି ସିଗାରେଟ ପିଇ ଜନ୍ମଦିନ ପାଳନ କରିଥିଲେ। ଯାହାର ବର୍ତ୍ତମାନ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ।
ଏହି ମାମଲାରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରି ଶେଖ୍ ଜାଭେଦ ଏବଂ ତାଙ୍କ ସହଯୋଗୀ ମନୋଜ ବାଲିରାମ ଯାଦବଙ୍କୁ ନିଜ ହେପାଜତକୁ ନେଇଥିଲା। ଉଭୟଙ୍କଠାରୁ ତୀକ୍ଷ୍ଣ ଅସ୍ତ୍ର ମଧ୍ୟ ମିଳିଛି। ପୋଲିସ କହିଛି ଯେ, ଉଭୟ ପୁରୁଣା ଅଭିଯୁକ୍ତ ଏବଂ ଏମାନଙ୍କ ନାମରେ ପୂର୍ବରୁ ବହୁ ମାମଲା ରୁଜୁ କରାଯାଇଛି।
ପୋଲିସ କହିଛି ଯେ, ଶେଖ ଜାଭେଦ୍ ୩୦ ସେପ୍ଟେମ୍ବରରେ ଔରଙ୍ଗାବାଦର ହରସୁଲ ଜେଲରୁ ମୁକ୍ତ ହେବା ପରେ ଆସିଥିଲେ। ଯେତେବେଳେ ତାଙ୍କ ଗର୍ଲଫ୍ରେଣ୍ଡ ଏକଥା ଜାଣିଲେ, ସେ ପୁଣେରୁ ଔରଙ୍ଗାବାଦକୁ ଜନ୍ମଦିନ ପାଳନ କରିବାକୁ ଆସିଥିଲେ।
ଭାଇରାଲ ଭିଡିଓକୁ ଭିତ୍ତିକରି ପୁଣ୍ଡଲିକ ନାଗର ପୋଲିସ ଶୁକ୍ରବାର ବିଳମ୍ବିତ ରାତିରେ ୫ ଜଣଙ୍କ ବିରୋଧରେ ମାମଲା ରୁଜୁ କରିଛି। ଏମାନଙ୍କ ମଧ୍ୟରୁ ଦୁଇ ଅଭିଯୁକ୍ତଙ୍କୁ ପୋଲିସ ଗିରଫ କରିଥିବା ବେଳେ ଅନ୍ୟ ତିନି ଅଭିଯୁକ୍ତଙ୍କୁ ଖୋଜୁଛି।