ନୂଆଦିଲ୍ଲୀ: ରାଜସ୍ଥାନର ସିକରର ପିପ୍ରାଲି ରୋଡ୍ ଅଞ୍ଚଳରେ ଜଣେ ଦେଶୀ ବର ଏବଂ ବିଦେଶୀ କନ୍ୟାଙ୍କ ବିବାହ ଏବେ ଚର୍ଚ୍ଚାର ବିଷୟ ପାଲଟିଛି। କନ୍ୟାଙ୍କ ଘର କାଜାଖସ୍ତାନର ହୋଇଥିବା ବେଳେ ବରଙ୍କ ଘର ସିକରରେ । ବେଶ୍ ଧୁମ୍ଧାମ୍ରେ ଏହି ବିବାହ ଅନୁଷ୍ଠିତ ହୋଇଥିଲେ ହେଁ ଏଥିରେ କନ୍ୟା ପକ୍ଷରୁ କେହି ଆସି ନ ଥିଲେ। କାରଣଟି ଥିଲା ଭିସା। ଭିସା ଉପଲବ୍ଧ ନ ଥିବାରୁ ବର ତାନିଆଙ୍କ ପରିବାରର ଜଣେ ବି ସଦସ୍ୟ ଭାରତ ଆସିପାରି ନ ଥିଲେ। ଏଭଳି ପରିସ୍ଥିତିରେ ବରର ପଙ୍କଜ ସାଇନିଙ୍କ ଭାଇଙ୍କୁ ଶ୍ୱଶୁର କନ୍ୟାଦାନ କରିଥିଲେ। ଏଥିସହ ବିବାହର ସମସ୍ତ ଖର୍ଚ୍ଚ ମଧ୍ୟ ଉଠାଇଥିଲେ।
ପଙ୍କଜ କହିଛନ୍ତି, ଆୟର୍ଲାଣ୍ଡର ଏକ ଖୁଚୁରା କମ୍ପାନୀରେ ସେ ମାର୍କେଟିଂ ମ୍ୟାନେଜର ଭାବରେ କାର୍ଯ୍ୟ କରୁଛନ୍ତି। ଜାନୁଆରୀ ୨୦୧୯ରେ ସେ କମ୍ପାନୀର କାର୍ଯ୍ୟ ଯୋଗୁ ତୁର୍କୀ ଯାଇଥିଲେ। ଏହି ସମୟରେ, କାଜାଖସ୍ତାନର ବାସିନ୍ଦା ତାନିଆ ମଧ୍ୟ ତାଙ୍କର ଡାକ୍ତରୀ ଅଧ୍ୟୟନ ସମାପ୍ତ କରିବା ପରେ ତୁର୍କୀ ପରିଦର୍ଶନ କରିବାକୁ ଆସିଥିଲେ। ଯେଉଁଠାରେ ଦୁହେଁ ପ୍ରଥମ ଥର ପାଇଁ ପରସ୍ପରକୁ ଦେଖିଥିଲେ। ପ୍ରଥମ ଦେଖାରେ ଦୁହେଁ ପରସ୍ପରକୁ ହୃଦୟ ଦେଇ ବସିଥିଲେ।
ତୁର୍କୀ ବିମାନବନ୍ଦରରେ ସାକ୍ଷାତ ପରେ ତାନିଆ କାଜାଖସ୍ତାନରେ ଥିବା ନିଜ ଘରକୁ ପଙ୍କଜଙ୍କୁ ନେଇଥିଲେ। ସେଠାରେ ତାଙ୍କ ପରିବାର ସଦସ୍ୟ ପଙ୍କଜଙ୍କୁ ଭେଟିଥିଲେ। ଏହା ପରେ ତାନିଆଙ୍କ ସମ୍ପର୍କୀୟମାନେ ବିବାହ ପାଇଁ ସମ୍ମତି ଦେଇଥିଲେ। ଏହା ପରେ, ପଙ୍କଜ ନଭେମ୍ବର ୨୦୧୯ ରେ ତାନିଆଙ୍କୁ ସିକରସ୍ଥିତ ତାଙ୍କ ଘରକୁ ଆଣି ତାଙ୍କ ପିତାମାତାଙ୍କ ସହ ଭେଟ କରାଇଥିଲେ। ୨୦୧୯ରେ ସେମାନଙ୍କର ନିର୍ବନ୍ଧ ହୋଇଥିଲା। ଏହା ପରେ ଦୁହେଁ ଚାକିରି ପାଇଁ ଫେରି ଯାଇଗଲେ।
ଉଭୟ ହିନ୍ଦୁ ରୀତିନୀତି ଅନୁଯାୟୀ ୨୦୨୦ ରେ ବିବାହ କରିବାକୁ ନିଷ୍ପତ୍ତି ନେଇଥିଲେ। କିନ୍ତୁ କୋଭିଡ୍ କାରଣରୁ ତାନିଆଙ୍କୁ ଭାରତ ଆସିବାକୁ ଭିସା ମିଳି ନ ଥିଲା। ଏହା ପରେ ଗତ ବର୍ଷ ଡିସେମ୍ବରରେ ତାନିଆ ସିକରକୁ ଆସିଥିଲେ। ଏହା ପରେ ଗୁରୁବାର ରାତିରେ ଉଭୟ ସିକରରେ ହିନ୍ଦୁ ରୀତିନୀତି ଅନୁଯାୟୀ ବିବାହ କରିଥିଲେ। ଭିସା ଉପଲବ୍ଧ ନ ଥିବାରୁ ତାନିଆର ପିତାମାତା ଏବଂ ପରିବାରର କୌଣସି ସଦସ୍ୟ ଏହି ବିବାହକୁ ଆସିପାରି ନ ଥିଲେ। ଏଭଳି ପରିସ୍ଥିତିରେ ପଙ୍କଜଙ୍କ ବଡ ଭାଇଙ୍କ ଶ୍ୱଶୁର ପୁରା ବିବାହ ଖର୍ଚ୍ଚ ତୁଲାଇଥିଲେ। ଏଥିସହ ତାଙ୍କ କନ୍ୟାଦାନ କରିଥିଲେ।