ସୋସିଆଲ ମିଡିଆରେ କ’ଣ କେତେବେଳେ ଭାଇରାଲ ହେଉଛି ତାହା କହି ହେଉ ନାହିଁ। ବର୍ତ୍ତମାନ ଏକ ରେଳଷ୍ଟେଶନରେ ଜଣେ ଯୁବତୀ ଡ୍ୟାନ୍ସ କରୁଥିବା ଭିଡିଓ ଭାଇରାଲ ହେଉଛି। ଯୁବତୀ ଜଣକ ପ୍ଲାଟଫର୍ମରେ ‘ସାତ୍ ସମୁଦର ପାର୍’ ଗୀତରେ ଡ୍ୟାନ୍ସ କରୁଥିବା ନଜର ଆସିଛନ୍ତି। ଏହି ଭିଡିଓଟି ୟୁଜର୍ସମାନଙ୍କୁ ବେଶ୍ ପସନ୍ଦ ଆସିଛି। ସହେଲି ରୁଦ୍ର ନାମକ ଇନ୍ଷ୍ଟାଗ୍ରାମ ଆକାଉଣ୍ଟରେ ଭିଡିଓଟି ଶେୟାର କରାଯାଇଛି। ଏଥିରେ ସହେଲି ପ୍ଲାଟଫର୍ମ ରିମିକ୍ସ ଟ୍ରାକ୍ ଡ୍ରାନ୍ସ କରୁଥିବା ଦେଖିବାକୁ ମିଳିଛି। ତାଙ୍କର ଡ୍ୟାନ୍ସ ଦେଖିବାକୁ ଦର୍ଶକଙ୍କ ପ୍ରବଳ ଭିଡ଼ ଲାଗିଥିଲା।
ଭିଡିଓଟିକୁ ବର୍ତ୍ତମାନ ସୁଦ୍ଧା ୧.୫ ମିଲିୟନ ଲୋକ ପସନ୍ଦ କରିଥିବା ବେଳେ ୨୦ ହଜାରରୁ ଅଧିକ କମେଣ୍ଟ ବି ଦେଇଛନ୍ତି ୟୁଜର। ସହେଲି ମୁହଁରେ ମାସ୍କ ଲଗାଇ ଏହି ଡ୍ୟାନ୍ସ କରୁଥିଲେ। ସେ ଖୁବ୍ ସୁନ୍ଦର ନୃତ୍ୟ ପ୍ରଦର୍ଶନ କରିଛନ୍ତି। ଏହି ଗୀତଟି ଫିଲ୍ମ ‘ବିଶ୍ୱାତ୍ମା’ର। ଏଥିରେ ଦିବ୍ୟା ଭାରତୀ ଏବଂ ସନି ଦେଓଲ ଅଭିନୟ କରିଥିଲେ। ‘ସାତ୍ ସମୁଦର ପାର୍’ ଗୀତଟି ସେତେବେଳେ ଖୁବ୍ ଲୋକପ୍ରିୟ ହୋଇଥିଲା।
