ସୋସିଆଲ ମିଡିଆରେ ଅନେକ ପ୍ରକାରର ଭିଡିଓ ଶେୟାର କରାଯାଉଛି। ଏଥିମଧ୍ୟରୁ କିଛି ଅତ୍ୟନ୍ତ ମଜାଳିଆ ହୋଇଥିବା ବେଳେ ଆଉ କିଛି ଆଶ୍ଚର୍ଯ୍ୟଜନକ ହୋଇଥାଏ। ବର୍ତ୍ତମାନ ସୋସିଆଲ ମିଡିଆ ମନୋରଞ୍ଜନର ଏକ ମାଧ୍ୟମ ପାଲଟିଛି। ଲୋକେ ମଜାଳିଆ ଭିଡିଓ ଦେଖି ମନୋରଞ୍ଜନ କରୁଛନ୍ତି।
ଭିଡିଓରେ ଜଣେ ଛାତ୍ରୀ ତାଙ୍କ ସ୍କୁଲର ବେଞ୍ଚ ଉପରେ ଠିଆ ହୋଇ ନାଚୁଥିବା ନଜର ଆସିଛନ୍ତି। ଏହି ଛାତ୍ରୀ ଜଣକ ବାଦଶାହଙ୍କ ଗୀତରେ ନାଚୁଥିଲେ – ‘ଅଭି ତୋ ପାର୍ଟି ସୁରୁ ହୈ’ କିନ୍ତୁ ପାର୍ଟି ଆରମ୍ଭ ହେବା ପୂର୍ବରୁ ଏପରି ଏକ ଦୁର୍ଘଟଣା ଘଟିଥଲା, ଛାତ୍ରୀ ଜଣକ ବେଞ୍ଚ ଉପରେ ନାଚୁଥିବା ବେଳେ ସନ୍ତୁଳନ ବିଗିଡ଼ିଗଲା। ଫଳରେ ସେ ତଳେ ପଡ଼ିଗଲେ। ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା।
ଏହି ଭିଡିଓ ଫେସ୍ବୁକ୍ଠାରୁ ଆରମ୍ଭ କରି ଟୁଇଟ୍ର, ଇନ୍ଷ୍ଟାଗ୍ରାମ ସବୁଠି ଭାଇରାଲ ହେଉଛି। ଏହାକୁ ଏପର୍ଯ୍ୟନ୍ତ ଲକ୍ଷାଧିକ ଥର ଦେଖାସରିଲାଣି। ଏହା ସହିତ ହଜାର ହଜାର ମନ୍ତବ୍ୟ ମଧ୍ୟ ୟୁଜରମାନେ ଦେଇଛନ୍ତି। ତେବେ ଅନେକ ଲୋକ ଏହି ଭିଡିଓକୁ ମଜାଳିଆ ବୋଲି କହି ନାହାନ୍ତି। ଅନେକ ୟୁଜର ଲେଖିଛନ୍ତି, ଝିଅଟି ବହୁତ ଆଘାତ ପାଇଛି। ଏହି ସମୟରେ, ଜଣେ ୟୁଜର ଲେଖିଛନ୍ତି, ପାର୍ଟି ଶ୍ରେଣୀଗୃହରୁ ଆରମ୍ଭ ହୋଇଥିଲା କିନ୍ତୁ ଡାକ୍ତରଖାନାରେ ଶେଷ ହେଲା। ଆଉ ଜଣେ ୟୁଜର ଲେଖିଛନ୍ତି, ଡ୍ୟାନ୍ସଟି ମନେ ରହିବ।