ନୂଆଦିଲ୍ଲୀ,୧୮।୪: ଦିଲ୍ଲୀ କସ୍ବା ଥାନା ଅଞ୍ଚଳର ଏକ ଗଁ।ରେ ଗୁରୁବାର ଅଭାବନୀୟ ଘଟଣା ଘଟିଛି। ଗୋଟିଏ ପଟେ ଭଉଣୀର ସବାରି ଉଠିଥିବା ବେଳେ ଅନ୍ୟପଟେ ଭାଇର କୋକେଇ ଉଠିଛି। ସୂଚନାଯୋଗ୍ୟ, ଉକ୍ତ ଅଞ୍ଚଳରେ ବାସ କରୁଥିବା ଜଣେ ବ୍ୟକ୍ତିଙ୍କ ଝିଅର ବୁଧବାର ଦିନ ବାହାଘର ହୋଇଥିଲା। ଉକ୍ତ ବ୍ୟକ୍ତିଙ୍କ ପୁଅ ନୋଏଡାରେ ରହି ଅଟୋ ଚଲାଉଥିବା ବେଳେ ଭଉଣୀ ବାହାଘରେ ସାମିଲ ହେବା ପାଇଁ ସେହି ଦିନ ଘରକୁ ଆସିଥିଲେ। ଯୁବକଙ୍କ ପତ୍ନୀ ଓ ଛୁଆ ଗଁ।ରେ ନିଜ ପରିବାରଙ୍କ ସହ ରହୁଥିଲେ। ସୂଚନାମୁତାବକ, ଦୁଇ ଦିନ ପୂର୍ବରୁ ଯୁବକଙ୍କ ତାଙ୍କ ପତ୍ନୀଙ୍କ ସହ ଝଗଡ଼ା ହୋଇଥିଲା। ଯୁବକ ତାଙ୍କ ପତ୍ନୀଙ୍କ ସହ ବାରମ୍ବାର କଥା ହେବା ପାଇଁ ଚେଷ୍ଟା କରିଥିଲେ ହେଲେ ସେ ତାଙ୍କ ସହ କିଛି କଥାବାର୍ତ୍ତା କରି ନ ଥିଲେ। ଗୁରୁବାର ସକାଳେ ଭଉଣୀର ବିଦାୟୀ ପରେ ନିଜ ରୁମ୍ରେ ଯୁବକ ଫାଶି ଲଗାଇ ଆତ୍ମହତ୍ୟା କରିଥିଲେ। ପରିବାର ଲୋକେ ଘରକୁ ଫେରିବା ପରେ ତାଙ୍କୁ ଝୁଲନ୍ତା ଅବସ୍ଥାରେ ପାଇଥିଲେ। ତାଙ୍କୁ ଝୁଲନ୍ତା ଅବସ୍ଥାରୁ ତଳକୁ ଆଣିବା ବେଳେ ତାଙ୍କର ମୃତ୍ୟୁ ହୋଇସାରିଥିଲା। ଯୁବକଙ୍କ ମୃତ୍ୟୁକୁ ନେଇ ଏବେ ପରିବାର ଓ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।