କଥାରେ ଅଛି, ଗୋଟିଏ ଗୁଳିରେ ଦୁଇଟି ଶିକାର ଅର୍ଥାତ୍ ଏକା ସାଙ୍ଗରେ ଦୁଇଟି କାର୍ଯ୍ୟ ହାସଲ କରିବା। ଯାହାଦ୍ୱାରା ସମୟ ଏବଂ ସାମଗ୍ରୀ ଅପଚୟରୁ ରକ୍ଷା ମିଳିଥାଏ। ଠିକ୍ ଏମିତି ଏକ କାମ କରି ଜଣେ କୁନି ଝିଅ ଏବେ ଚର୍ଚ୍ଚାରେ। ସୋସିଆଲ ମିଡିଆରେ ଏହା ଖୁବ୍ ଭାଇରାଲ ହେବାରେ ଲାଗିଛି।
@Buitengebieden ନାମକ ଏକ ଟୁଇଟର ଆକାଉଣ୍ଟରେ ଶେୟାର ହୋଇଥିବା କୁନିଝିଅର ଏକ ଭିଡିଓ ଖୁବ୍ ଭାଇରାଲ ହେଉଛି। ଯେଉଁଥିରେ ସେ ଏକ ସେଓରୁ ଚୋପା ଛଡ଼ାଇ ପାଖରେ ଠିଆ ହୋଇଥିବା ମେଣ୍ଢା ଛୁଆକୁ ଖାଇବାକୁ ଦେଉଛି। ଚୋପାର ମଧ୍ୟ ସଦ୍ବିନିଯୋଗ ହେଉଛି। ସେଓ ଚୋପା ଫିଙ୍ଗା ହୋଇଥାନ୍ତା ମାତ୍ର ଏକ ଜୀବର ପେଟ ପୂରୁଛି। ଯାହାକୁ ଲୋକେ ଖୁବ୍ ପସନ୍ଦ କରିଛନ୍ତି। ଝିଅଟି ଏକ ଯନ୍ତ୍ର ସାହାଯ୍ୟରେ ସେଓରୁ ଚୋପା ଛଡ଼ାଉଛି। ପାଖରେ ଠିଆ ହୋଇଥିବା ମେଣ୍ଢାଟି ଆରାମରେ ଖାଇ ଚାଲିଛି।
Peeling an apple.. 😅 pic.twitter.com/P79y1AsA6N
— Buitengebieden (@buitengebieden) June 21, 2022
ଝିଅଟିର ବୁଦ୍ଧି ଯେତିକି ପ୍ରଶଂସାଯୋଗ୍ୟ ଭିଡିଓଟି ଯେତିକି ମଜାଳିଆ ସେତିକି ଶିକ୍ଷଣୀୟ ମଧ୍ୟ। ମଜାଳିଆ ଏଥିପାଇଁ ସେଓର ଚୋପା ଏକ ରୋଲର ଭଳି ମେଶିନରୁ ବାହାରୁଛି। ଚୋପା ଯେତିକି ଗତିରେ ବାହାରୁଛି ମେଣ୍ଢାଟି ଏହାକୁ ପାଟିରେ ସେତିକି ଶୀଘ୍ର ଖାଇଚାଲିଛି। ଯାହା ଦେଖିବାକୁ ବହୁତ ମଜାଳିଆ। ଶିକ୍ଷଣୀୟ ହେଲା ସେଓ ଚୋପାକୁ ଫୋପାଡିବା ପରିବର୍ତ୍ତେ ଏକ ପ୍ରାଣୀ ଖାଇବାକୁ ଦେଇ ଝିଅଟି ଭଲ କାମ କରୁଛି। କାରଣ ଚୋପାରେ ଅଧିକ ପୁଷ୍ଟିକର ଉପାଦାନ ଥାଏ। ଏହି ଅର୍ଥରେ ଏହି ଭିଡିଓଟି ଏକାସାଙ୍ଗରେ ଦୁଇଟି କାର୍ଯ୍ୟ କରାଯିବା ଯଥାର୍ଥ ଅଟେ।
ଲୋକମାନେ ଭିଡିଓକୁ ଖୁବ୍ ପସନ୍ଦ କରିଛନ୍ତି। ଭିଡିଓଟି ୨.୫ ମିଲିୟନରୁ ଅଧିକ ଭ୍ୟୁ ପାଇଛି। ଜଣେ ୟୁଜର କହିଛନ୍ତି, ଏହି ଭିଡିଓଟି ତାଙ୍କ ପିଲାଦିନର ସ୍ମୃତିକୁ ଫେରାଇ ଆଣିଛି, ଯେତେବେଳେ ତାଙ୍କ ମା’ ମଧ୍ୟ ତାଙ୍କୁ ଏବଂ ଭଉଣୀଭାଇମାନଙ୍କୁ ସେଓ ଚୋପା ସହିତ ଖାଇବାକୁ ଦେଉଥିଲେ। ଯେତିକି ଶାନ୍ତ ଏବଂ ଧୈର୍ଯ୍ୟର ସହିତ ପିଲାଟି ସେଓରୁ ଚୋପା ଛଡ଼ାଉଥିଲା, ମେଣ୍ଢାଟି ଏହାକୁ ଧୈର୍ଯ୍ୟର ସହ ଖାଉଥିଲା। ଅନେକ ଏଥିରୁ ମଜା ଉଠାଇଥିବା ବେଳେ ଆଉ କିଛି ୟୁଜର ଏହା ଶିକ୍ଷଣୀୟ ବୋଲି ପ୍ରତିକ୍ରିୟା ଦେଇଛନ୍ତି।
