ବ୍ରହ୍ମଗିରି,୨୫।୭(ଡି.ଏନ୍.ଏ.): ପୁରୀ ଜିଲା ବ୍ରହ୍ମଗିରି ଥାନା ଅଞ୍ଚଳରେ ଜଣେ ଯୁବତୀଙ୍କୁ ଅପହରଣ କରି ହତ୍ୟା କରାଯାଇଥିବା ପରିବାର ପକ୍ଷରୁ ଅଭିଯୋଗ କରାଯାଇଛି। ପୋଲିସ ଘଟଣାର ତଦନ୍ତ କରୁଥିବା ବେଳେ ମୃତଦେହ ଉଦ୍ଧାର କରାଯାଇ ନ ଥିବା ସୂଚନା ମିଳିଛି।
ତେବେ ଉକ୍ତ ଥାନା ଅନ୍ତର୍ଗତ ଶ୍ରୀକରପୁରର ଜଣେ ଯୁବତୀଙ୍କୁ ଉକ୍ତ ଗ୍ରାମର ଜଣେ ଯୁବକ ପ୍ରେମ କରି ପ୍ରତାରଣା କରିଥିଲେ। ୫ ଦିନ ତଳେ ତାଙ୍କୁ ଅପହରଣ କରି ହତ୍ୟା କରିବା ପରେ ଚିଲିକା କୂଳରେ ପୋତି ଦେଇଥିବା ଯୁବତୀଙ୍କ ବାପା ବ୍ରହ୍ମଗିରି ଥାନାରେ ଅଭିଯୋଗ କରିଛନ୍ତି। ପୋଲିସ ଘଟଣାର ତଦନ୍ତ ଆରମ୍ଭ କରିଛି।