ମୁମ୍ବାଇ, ୧୦।୮: ପାଠପଢ଼ାକୁ ନେଇ ଯୁକ୍ତିତର୍କ ପରେ କରାଟେ ବେଲ୍ଟରେ ମା’ଙ୍କ ତଣ୍ଟି ଚିପି ହତ୍ୟା କରିଛି ୧୫ ବର୍ଷୀୟା ନାବଳିକା ଝିଅ। ନବି ମୁମ୍ବାଇରେ ଗତ ୩୦ ତାରିଖରେ ଏଭଳି ଘଟଣା ଘଟିଥିବା ମଙ୍ଗଳବାର ପୋଲିସ ପକ୍ଷରୁ କୁହାଯାଇଛି। ହତ୍ୟା ପରେ ମା’ଙ୍କ ମୃତ୍ୟୁକୁ ଝିଅ ଦୁର୍ଘଟଣାର ରୂପ ଦେବାକୁ ଚେଷ୍ଟା କରିଥିଲା।
ଝିଅ ଓ ତା’ର ୪୦ ବର୍ଷୀୟା ମା’ଙ୍କ ମଧ୍ୟରେ ପାଠପଢ଼ାକୁ ନେଇ ନିୟମିତ ଝଗଡ଼ା ହେଉଥିଲା। ମା’ଙ୍କ ଇଚ୍ଛା ଥିଲା ଝିଅ ଡାକ୍ତର ହେଉ। କିନ୍ତୁ ସେ ପାଠପଢ଼ାରେ ମନ ଦେଉ ନ ଥିଲା ବୋଲି ରାବାଲେ ଥାନା ଅଧିକାରୀ କହିଛନ୍ତି।
ଜୁଲାଇ ୩୦ରେ ଦୁର୍ଘଟଣା କାରଣରୁ ମା’ଙ୍କ ମୃତ୍ୟୁ ହୋଇଥିବା ପୋଲିସକୁ ଜଣାଇଥିଲେ ନାବାଳିକା ଝିଅ। ତେବେ ଶବବ୍ୟବଚ୍ଛେଦ ମହିଳାଙ୍କୁ ତଣ୍ଟି ଚିପି ହତ୍ୟା କରାଯାଇଥିବା ଜଣାପଡ଼ିଥିଲା। ପଚରାଉଚୁରା ବେଳେ ନାବାଳିକା ଝିଅ ନିଜ ଦୋଷ ସ୍ବୀକାର କରିଛନ୍ତି।
