ନୂଆଦିଲ୍ଲୀ,୩୦।୩: ଅନେକ ଥର କ୍ରିକେଟ ମ୍ୟାଚ ସମୟରେ କ୍ୟାମେରାମ୍ୟାନ ମଧ୍ୟ ଦର୍ଶକଙ୍କ ଉପରେ ଫୋକସ କରି ଦିଅନ୍ତ। ଦର୍ଶକେ ପରଦାରେ ନିଜକୁ ଦେଖି ବହୁତ ଖୁସ ହୋଇଯାନ୍ତି । କିନ୍ତୁ ବେଳେବେଳେ ଦର୍ଶକଙ୍କ ଅବସ୍ଥା ଏପରି ହୋଇଯାଏ ଯେ ସେମାନେ କ୍ୟାମେରାରୁ ନିଜ ମୁହଁକୁ ଲୁଚାଉ ଥିବାର ଦେଖାଯାଏ । ଆଜିକାଲି ଏମିତି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓରେ କ୍ୟାମେରାମ୍ୟାନ ଷ୍ଟାଡିୟମରେ ବସିଥିବା ଦମ୍ପତିଙ୍କ ଉପରେ ଧ୍ୟାନ ଦେଇଥିଲେ। ଏହା ପରେ ଦମ୍ପତି ଯାହା କରିଥିଲେ ତାହା ଅତ୍ୟନ୍ତ ମଜାଦାର ଥିଲା। ଦର୍ଶକେ ଏହି ଭିଡିଓକୁ ଦେଖଇ ହସି ହସି ବେଦମ ହେଉଛନ୍ତି। ଏଥି ସହିତ, ଅନେକ ସୋସିଆଲ ମିଡିଆ ୟୁଜର୍ସ ମଧ୍ୟ ଏହି ପୋଷ୍ଟରେ ନିଜର ପ୍ରତିକ୍ରିୟା ଦେଇଛନ୍ତି।
ଭାଇରାଲ ହେଉଥିବା ଏହି ଭିଡିଓରେ ଦେଖିବାକୁ ମିଳିଛି ଯେ ମ୍ୟାଚ ସମୟରେ ଏକ ଦମ୍ପତି ଖୁବ ଆନନ୍ଦରେ ବସିଥିଲେ, ପ୍ରେମିକା ଜଣକ ପ୍ରେମିକଙ୍କ କାନ୍ଧରେ ମୁଣ୍ଡ ରଖି ମ୍ୟାଚର ମଜା ନେଉଥିଲେ। ଠିକ ଏହି ସମୟରେ କ୍ୟାମେରାମ୍ୟାନ ସେମାନଙ୍କ ଉପରେ ଧ୍ୟାନ ଦେଇ ସେମାନଙ୍କୁ ଫୋକସ କରିଥିଲେ, ଆଉ ଏମାନଙ୍କ ଭିଡିଓ ଷ୍ଟାଡିୟମ ମନିଟରରେ ଦୃଶ୍ୟମାନ ହୋଇଥିଲା। ଏହା ଦେଖିବା ପରେ ଝିଅଟି ଭୟଭୀତ ହୋଇଯାଇଥିଲେ। ହଠାତ୍ କିଛି ନ ବୁଝିପାରି ସେ ପ୍ରେମିକଙ୍କୁ ମନିଟର ଦେଖିବାକୁ କହିଥିଲେ ଓ ତାଙ୍କୁ ଅସ୍ତବ୍ୟସ୍ତ କରିପକାଇଥିଲେ। ପ୍ରେମିକ ଜଣକ କିଛି ବୁଝି ନ ପାରି ଖୁସି ହୋଇ ଆସୁଥିବା ବେଳେ କିଛି ଭୁଲ କରିଛନ୍ତି ଭାବି ମୁହଁକୁ ଲୁଚାଇ ଦେଇଥିଲେ। ଏହାପରେ ଝିଅଟି ବି ବ୍ୟସ୍ତ ବିବ୍ରତ ହୋଇ ମୁହଁ ଲୁଚାଇବା ସହ ସେମାନଙ୍କ ଉପରୁ କ୍ୟାମେରା ହଟାଇ ଦେବାକୁ ଇସାରା କରିଥିଲେ। ଏହି ଭିଡିଓକୁ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ @ ଶୈଳେଶ ହୁଡା ନାମକ ଜଣେ ଉପଭୋକ୍ତା ଶେୟାର କରିଛନ୍ତି। ଏହି ଭିଡିଓକୁ ଏପର୍ଯ୍ୟନ୍ତ ୬ଲକ୍ଷରୁ ଅଧିକ ଲୋକ ଦେଖିଛନ୍ତି। ଏଥି ସହିତ, ଅନେକ ୟୁଜର୍ସ ମଧ୍ୟ ଏହା ଉପରେ ନିଜର ପ୍ରତିକ୍ରିୟା ଦେଇଛନ୍ତି ।
दीदी का moye moye हो गया…
घर जायेगी फेर पापा कूटेंगे तब करेगी boye boye🫣🤣 pic.twitter.com/S17bpjaT4q— Shailesh Hudda (@ShaileshHudda) March 26, 2024
