ଶାରଜା,୧୨।୧୦: ଆଇପିଏଲରେ ଟାଇଟଲ ଜିତିବାରେ ବିରାଟ କୋହଲିଙ୍କ ସ୍ବପ୍ନ ଅଧୁରା ରହିଛି। ଚଳିତବର୍ଷ କୋଲକାତା ନାଇଟ ରାଇଡର୍ସଠାରୁ ଏଲିମିନେଟର ମ୍ୟାଚରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ହାରି ଯାଇଛି। ଏହି ପରାଜୟ ପରେ ଲୋକମାନେ ସୋସିଆଲ ମିଡିଆରେ ଆରସିବିକୁ ଟ୍ରୋଲ କରୁଛନ୍ତି। ଏହା ଦେଖି ଆରସିବି ଅଲରାଉଣ୍ଡର ଗ୍ଲେନ ମ୍ୟାକ୍ସୱେଲ ରାଗିଯାଇଛନ୍ତି। ସେ ନିଜ ଇନଷ୍ଟାଗ୍ରାମ ଷ୍ଟାଟସରେ ଏକ ଲମ୍ବା ବାର୍ତ୍ତା ଶେୟାର କରି ଏବଂ ପ୍ରଶଂସକଙ୍କୁ ଉପଯୁକ୍ତ ଉତ୍ତର ଦେଇଛନ୍ତି।
ମ୍ୟାକ୍ସୱେଲ ତାଙ୍କ ଇନଷ୍ଟାଗ୍ରାମ ଷ୍ଟାଟସରେ ଲେଖିଛନ୍ତି, ଏହି ସିଜିନରେ ଆରସିବି ପାଇଁ ଭଲ ହୋଇଛି। ଯେଉଁଠାରେ ଆମେ ପହଞ୍ଚିବାକୁ ଥିଲା, ଦୁର୍ଭାଗ୍ୟବଶତଃ ଆମେ ପହଞ୍ଚି ପାରିଲୁ ନାହିଁ। କିନ୍ତୁ ଏହାର ଅର୍ଥ ନୁହେଁ ଯେ ଏହି ଆଇପିଏଲ ଆମ ପାଇଁ ଭଲ ନ ଥିଲା। ତଥାପି ସୋସିଆଲ ମିଡିଆରେ ଲୋକମାନେ ଦଳ ବିଷୟରେ ଓଲଟା ସିଧା କଥା କହୁଛନ୍ତି, ଯାହା ଲଜ୍ଜାଜନକ ଅଟେ। ସେହି ଲୋକମାନେ ଏହା ମଧ୍ୟ ବୁଝିବା ଉଚିତ୍ ଯେ ଆମେ ମଧ୍ୟ ମଣିଷ। ଏପରି ପରିସ୍ଥିତିରେ, ମୁଁ ସେମାନଙ୍କୁ କହିବାକୁ ଚାହେଁ ଯେ, ଅପମାନଜନକ ଭାଷା ବ୍ୟବହାର କରିବା ପରିବର୍ତ୍ତେ ଜଣେ ଭଲ ବ୍ୟକ୍ତି ହୁଅନ୍ତୁ।
ଅଷ୍ଟ୍ରେଲୀୟ ବ୍ୟାଟ୍ସମ୍ୟାନ ମାକ୍ସଓ୍ବେଲ୍ ଆହୁରି ଲେଖିଛନ୍ତି, ଆରସିବିର ପ୍ରକୃତ ପ୍ରଶଂସକଙ୍କୁ ସେମାନଙ୍କ ଭଲ ପାଇବା ଏବଂ ସମର୍ଥନ ପାଇଁ ଧନ୍ୟବାଦ। କିଛି ଲୋକ ଅଛନ୍ତି ଯେଉଁମାନେ ସୋସିଆଲ ମିଡିଆକୁ ମଧ୍ୟ ଏକ ଭୟାନକ ଢଙ୍ଗରେ ଭାବରେ ବ୍ୟବହାର କରିବାକୁ ଚାହୁଁଛନ୍ତି। ଏହାକୁ ବରଦାସ୍ତ କରାଯାଇପାରିବ ନାହିଁ। ମୁଁ ସେମାନଙ୍କୁ ଏହିପରି ଆଚରଣ ନ କରିବାକୁ ଅନୁରୋଧ କରିବି।
ସୂଚନାଯୋଗ୍ୟ, ଚଳିତବର୍ଷ ଆରସିବି ପାଇଁ ମ୍ୟାକ୍ସୱେଲ ଭଲ ଖେଳିଥିଲେି। ମ୍ୟାକ୍ସୱେଲ ଚଳିତ ବର୍ଷ ୧୫ ଟି ମ୍ୟାଚରେ ହାରାହାରି ୪୨ରୁ ଅଧିକ ଆଭରେଜ୍ରେ ୪୧୨ ରନ୍ କରିଥିଲେ। ମ୍ୟାକ୍ସୱେଲ ମଧ୍ୟ ଏହି ସିଜିନରେ ଆରସିବି ପାଇଁ ୨୧ ଛକା ମାରିଥିଲେ। ସେ ୩ଟି ଉଇକେଟ ନେବାରେ ମଧ୍ୟ ସଫଳ ହୋଇଥିଲେ।