ନୂଆଦିଲ୍ଲୀ,୩୧।୩: ଗ୍ଲେନ୍ ମ୍ୟାକ୍ସଓ୍ବେଲଙ୍କ ବିସ୍ଫୋରକ ତଥା ଆକ୍ରମଣାତ୍ମକ ବ୍ୟାଟିଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ପାଇଁ ବେଶ୍ ଉପଯୋଗୀ ସାବ୍ୟସ୍ତ ହେବ। ଆଗାମୀ ସଂସ୍କରଣରେ ସେ ଦଳର ମୁଖ୍ୟ ଅସ୍ତ୍ର ହେବେ ବୋଲି ଆରସିବି ଡାଇରେକ୍ଟର ଅଫ୍ କ୍ରିକେଟ ମାଇକ ହେସନ କହିଛନ୍ତି। କିଙ୍ଗ୍ସ ପଞ୍ଜାବ ରିଲିଜ କରିବା ପରେ ମ୍ୟାକ୍ସଓ୍ବେଲଙ୍କୁ ୧୪.୨୫ କୋଟି ଟଙ୍କା ବିନିମୟରେ ବାଙ୍ଗାଲୋର ଏଥର କ୍ରୟ କରିଛି। ମିଡ୍ଲ ଅର୍ଡରରେ ସେ ଦ୍ରୁତ ଗତିରେ ରନ୍ ସଂଗ୍ରହ କରି ଦଳକୁ ବଡ଼ ସ୍କୋର ପ୍ରଦାନ କରିବାର କ୍ଷମତା ରଖନ୍ତି ଓ ସେ ଜଣେ ମ୍ୟାଚ୍ ଓ୍ବିନର ବୋଲି ହେସନ କହିଛନ୍ତି।