ସିଡନୀ,୨୨।୧୦: ଅଷ୍ଟ୍ରେଲିଆରେ ଚାଲୁଥିବା ଟି୨୦ ବିଶ୍ୱକପ୍ ୨୦୨୨ରେ ସୁପର-୧୨ ମୁକାବିଲା ଆରମ୍ଭ ହୋଇଛି। ଏହି କ୍ରମରେ ପ୍ରଥମ ମ୍ୟାଚ୍ ଅଷ୍ଟ୍ରେଲିଆ ଏବଂ ନ୍ୟୁଜିଲାଣ୍ଡ ମଧ୍ୟରେ ଶନିବାର ଅନୁଷ୍ଠିତ ହୋଇଥିଲା। ଏହି ମ୍ୟାଚ୍ରେ ନ୍ୟୁଜିଲାଣ୍ଡ ୮୯ରନ୍ରେ ବୃହତ ବିଜୟ ଲାଭ କରିଛି। ଏହି ଗୁରୁତ୍ୱପୂର୍ଣ୍ଣ ମ୍ୟାଚ୍ରେ ଅଷ୍ଟ୍ରେଲିଆକୁ ପରାଜିତ କରିବାରେ ନ୍ୟୁଜିଲାଣ୍ଡ ଖେଳାଳିମାନେ ପ୍ରମୁଖ ଭୂମିକା ଗ୍ରହଣ କରିଥିଲେ। ବିଶେଷକରି ଫିଲ୍ଡିଂରେ ସେମାନେ ହୃଦୟ ଜିତିଛନ୍ତି।
ଗ୍ଲେନ ଫିଲିପ୍ସ ଏହି ମୁକାବିଲାରେ ଏଭଳି ଏକ କ୍ୟାଚ୍ ଧରିଥିଲେ ଯାହା ଏବେ ଚର୍ଚ୍ଚାର ବିଷୟ ପାଲଟିଛି। ଇନିଂସର ୯ମ ଓଭରରେ ଫିଲିପ୍ସ ଧରିଥିବା ଏହି କ୍ୟାଚ୍କୁ ବର୍ତ୍ତମାନଠାରୁ ଟୁର୍ନାମେଣ୍ଟର ସର୍ବୋତ୍ତମ କ୍ୟାଚ୍ ଭାବେ ବିବେଚନା କରାଯାଉଛି।
ଉକ୍ତ ଓଭରରେ ମିଚେଲ ସାଣ୍ଟନରଙ୍କ ଦ୍ୱିତୀୟ ବଲ୍ରେ ଷ୍ଟୋନିସ୍ ଏକ କଭର୍ ଡ୍ରାଇଭ୍ ଲଗାଇବାକୁ ଚେଷ୍ଟା କରିଥିଲେ। ଏହା ଖରାପ ଶଟ୍ ଥିବା ଯୋଗୁ କ୍ୟାଚ୍ ହୋଇଥିଲା। ଏହାକୁ ଧରିବା ଲାଗି ଫିଲିପ୍ସ ଡିପ୍ରୁ ଦୌଡ଼ି ଥିଲେ। ପରେ ଡାଇଭ୍ କରି ଅବିଶ୍ୱସନୀୟ କ୍ୟାଚ୍ ଧରିଥିଲେ। ଏହି ଚେଷ୍ଟାରେ ସେ ତଳେ ପଡ଼ି ଯାଇଥିଲେ। ହେଲେ ସେ ବଲ୍କୁ ଛାଡ଼ି ନ ଥିଲେ।
ଦେଖନ୍ତୁ ଭିଡିଓ: