ନୂଆଦିଲ୍ଲୀ,୮।୧୦: ଦେଶର ପ୍ରମୁଖ ଖାଇବାତେଲ ବ୍ରାଣ୍ଡ୍ ଫ୍ରିଡମ୍କୁ ‘ଗ୍ଲୋବଏଲ ଡାଇମଣ୍ଡ ଆୱାର୍ଡ’ ସମ୍ମାନରେ ସମ୍ମାନିତ କରାଯାଇଛି। ବିଶେଷକରି ଭାରତର ସବୁଠାରୁ ଅଧିକ ସନ୍ଫ୍ଲାୱାର ଖାଇବାତେଲ ଆମଦାନୀ କରୁଥିବା କମ୍ପାନୀ ଭାବେ ଫ୍ରିଡମ୍କୁ ଏଭଳି ଏକ ସମ୍ମାନଜନକ ପୁରସ୍କାର ଲାଭ କରିପାରିଛି। ଏପରିକି ଜେମିନି ଏଡିବଲ୍ ଆଣ୍ଡ୍ ଫ୍ୟାଟ୍ସ ଇଣ୍ଡିଆ ଲିମିଟେଡ୍ (ଜିଇଏଫ୍ଆଇଏଲ) ଅଧୀନରେ ଥିବା ଫ୍ରିଡମ୍ ରିଫାଇନ୍ଡ ସନ୍ଫ୍ଲାୱାର ଅଏଲ୍ ଲଗାତର ୨ୟ ବର୍ଷ ପାଇଁ ଗ୍ଲୋବଏଲ୍ ଆୱାର୍ଡରେ ସମ୍ମାନିତ ହୋଇଛି। ଏହି ଆୱାର୍ଡ ଖାଇବାତେଲ ଉଦ୍ୟୋଗଗୁଡ଼ିକ ମଧ୍ୟରେ ସବୁଠାରୁ ଭଲ ପ୍ରଦର୍ଶନ କରୁଥିବା ଉଦ୍ୟୋଗକୁ ପ୍ରଦାନ କରାଯାଇଥାଏ। ୨୦୨୧-୨୨ ବର୍ଷରେ କମ୍ପାନୀ ସବୁଠାରୁ ଅଧିକ ସନ୍ଫ୍ଲାୱାର ଆମଦାନୀ କରିଛି। ଏହି ଅଶୋଧିତ ତୈଳକୁ କମ୍ପାନୀ ୩ଟି ରିଫାଇନ୍ ପ୍ରଣାଳୀ ସାହାଯ୍ୟରେ ଖାଇବା ତେଲରେ ପରିଣତ କରି ଭାରତ ବଜାରରେ ଉପଲବ୍ଧ କରାଉଛି। ସେହିଭଳି ସ୍ବାସ୍ଥ୍ୟ ସଚେତନତା ଦିଗରେ ମଧ୍ୟ ଫ୍ରିଡମ୍ ବ୍ୟବହାରକାରୀଙ୍କ ଉପଯୁକ୍ତ ଧ୍ୟାନ ରଖୁଥିବା ବେଳେ ଏହା ମଧ୍ୟ ବଜାରରେ ଆଦୃତି ଲାଭ କରିପାରିଛି। ସେହିପରି ସଫ୍ଟ ଅଏଲ୍ କାଟେଗୋରିରେ ସନ୍ଫ୍ଲାୱାର, ସୋରିଷ, ବାଦାମୀ ତେଲ ଏବଂ ରାଇସ୍ ବ୍ରାନ୍ (କୁଣ୍ଡାତେଲ) ଆଦି ପାମ୍ ଅଏଲଠାରୁ ଅଧିକ ସ୍ବାସ୍ଥ୍ୟକର ବୋଲି ଜଣାପଡ଼ିଛି। ଫ୍ରିଡମ୍ ସନ୍ଫ୍ଲାଓ୍ବାର ଅଏଲରେ ଭିଟାମିନ୍ ଏ ଏବଂ ଡି ସହ ଭିଟାମିନ୍ ଇ ମଧ୍ୟ ରହିଥାଏ, ଯାହାକି ଭାରତୀୟ ବ୍ୟବହାରକାରୀଙ୍କ ପାଇଁ ବେଶ୍ ସ୍ବାସ୍ଥ୍ୟକର ବୋଲି କୁହାଯାଇଛି। ଏ ସମ୍ପର୍କରେ ଜିଇଏଫ୍ଆଇଏଲ୍ର ଗ୍ରୁପ୍ ଉପାଧ୍ୟକ୍ଷ ଅକ୍ଷୟ ଚୌଧରୀ କହିଛନ୍ତି, ଆମେ ବହୁ ଆନନ୍ଦିତ ଯେ ୨ୟ ଥର ପାଇଁ ଫ୍ରିଡମ୍ ସନ୍ଫ୍ଲାୱାର ଅଏଲ ଦେଶର ସବୁଠାରୁ ବଡ଼ ସନ୍ଫ୍ଲାଓ୍ବାର ଅଏଲ୍ ଆମଦାନୀ କମ୍ପାନୀ ଭାବେ ସମ୍ମାନିତ ହୋଇଛି। ଏହା କେବଳ ଆମ କର୍ମଚାରୀ, ବିତରକ ଏବଂ କଠିନ ପରିଶ୍ରମ ପାଇଁ ସମ୍ଭବ ହୋଇଛି। ଗତ କିଛି ବର୍ଷ ଧରି ଗ୍ରାହକଙ୍କର ଭରସା ଆମକୁ ଏହି ସଫଳତାର ଶିଡ଼ି ଚଢ଼ିବାରେ ସହାୟକ ହୋଇଛି ବୋଲି ସେ ମତବ୍ୟକ୍ତ କରିଛନ୍ତି।