ମାନିଲା, ୨୪।୬: ଯେଉଁମାନେ କୋଭିଡ୍ ଟିକା ନେବାକୁ ଅନିଚ୍ଛୁକ ସେମାନଙ୍କୁ ଗିରଫ କରାଯିବ ବୋଲି ଫିଲିପାଇନ୍ସ ରାଷ୍ଟ୍ରପତି ରୋଡ୍ରିଗୋ ଡୁଟେର୍ଟେ ଏକ ଟେଲିଭିଜନ ବାର୍ତ୍ତାରେ କହିଛନ୍ତି। ଟିକା ନେବା ପାଇଁ ମନା କରୁଥିବା ଲୋକେ ଭାରତ କିମ୍ବା ଆମେରିକା ପଳାଇଯାଆନ୍ତୁ ବୋଲି ସେ କହିଛନ୍ତି। ଫିଲିପାଇନ୍ସରେ ମହାମାରୀ ଯୋଗୁ ଜାତୀୟ ଜରୁରୀ ପରିସ୍ଥିତି ଦେଖାଦେଇଛି। ଯିଏ ଟିକା ନ ନେବେ ତାଙ୍କୁ ଗିରଫ କରାଯାଇ ଜବରଦସ୍ତ ଟିକା ଦିଆଯିବ। ଦେଶ ଗମ୍ଭୀର ସଙ୍କଟକୁ ସାମ୍ନା କରୁଥିବାବେଳେ ଟିକା ନେବାକୁ ମନାକରୁଥିବା ଲୋକେ ଦେଶ ପାଇଁ ବୋଝ ବୋଲି ସେ କହିଥିଲେ।