ପ୍ରତିଦିନ ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହେଉଛି। କେତେବେଳେ ମାଙ୍କଡ ମୁହିଁରେ କପଡା ଗୁଡାଇ ହୋଇ ବୁଲୁଛି ତ ଆଉ କେତେବେଳେ ନଳକୂପ ହାଣ୍ଡେଲ ମାରି ନିଜେ ପାଣି ପିଉଛି। ବର୍ତ୍ତମାନ ଛେଳିପଲ ଡିସ୍କୋ ଡ୍ୟାନ୍ସ କରୁଥିବା ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି। ଛେଳିପଲଙ୍କ ଏହି ଡିସ୍କୋ ଡାନ୍ସର ଭିଡିଓ ଡେଲି ଗୋଟ୍ସ ନାମକ ଏକ ଟୁଇଟର ହ୍ୟାଣ୍ଡେଲରେ ଶେୟାର କରାଯାଇଛି। ଭିଡିଓରେ, ୨ ଜଣ ଛେଳି ଚରାଳି ଛେଳିପଲଙ୍କୁ ଚରାଇବାକୁ ନେଉଥିବା ଦେଖିବାକୁ ମିଳିଛି। ଏହି ସମୟରେ ଗୀତର ତାଳେ ତାଳେ ଛେଳିପଲ ଗୋଡ ଓ ମୁଣ୍ଡ ହଲାଇ ଡାନ୍ସ କରୁଥିବା ଦେଖାଯାଉଛି। ଏହି ଭିଡିଓକୁ ଅନେକ ଲୋକ ଲାଇକ କରିଥିବାବେଳେ ଅନେକ ଭିନ୍ନ ମତ ଦେଇଛନ୍ତି।