ବରଗଡ଼,୧୨।୭(ପ୍ରେମାନନ୍ଦ ଖମାରୀ): ବରଗଡ଼ ଜିଲା ପଦ୍ମପୁର ଉପଖଣ୍ଡ ବୁଡ଼େନ ଥାନା ଅନ୍ତର୍ଗତ ଦହିଗାଁ ଗ୍ରାମରୁ ଛେଳି ଚୋରି ଘଟଣାରେ ଏକ ଜାଇଲୋ ଗାଡ଼ି ଜବତ ହୋଇଛି। ସୋମବାର ବିଳମ୍ବିତ ରାତିରେ ଉକ୍ତ ଗ୍ରାମର କାର୍ତ୍ତିକ ବରିହାଙ୍କ ଘରୁ ୩ଟି ଛେଳି ଚୋରି କରି ଏକ ଜାଇଲୋ ଗାଡ଼ି (ନଂ.ଓଡ଼ି୦୨ଜି ୯୯୫୦)ରେ ଦୁର୍ବୃତ୍ତମାନେ ଖସି ପଳାଉଥିଲେ। ଯିବା ବାଟରେ ଜାଇଲୋ ଗାଡ଼ିଟି ଏକ ଡ୍ରେନରେ ଫସି ଯାଇଥିଲା। ଏହାପରେ ଅଭିଯୁକ୍ତମାନେ ଛେଳି ବୋଝେଇ ହୋଇଥିବା ସେହି ଗାଡ଼ି ସମେତ ଅନ୍ୟ ଏକ ବ୍ୟବହୃତ ବାଇକ୍ (ନଂ.ଓଆର୧୭ଏନ/୬୮୫୨)କୁ ଘଟଣାସ୍ଥଳରେ ଛାଡ଼ି ଫେରାର ହୋଇଯାଇଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚତ୍ ଜାଇଲୋ ଗାଡ଼ି ଏବଂ ବାଇକ୍କୁ ଜବତ ହୋଇଥିଲା। ତେବେ ଜବତ ଗାଡ଼ି ନମ୍ବର ପ୍ଲେଟ୍ରେ ଭାରତ ସରକାର ଏବଂ ବିଏସ୍ଏଫ୍ ଲେଖା ହୋଇଥିବାରୁ ଏହା ସାଧାରଣରେ ଆଲୋଚନାର ବିଷୟ ହୋଇଛି ।
