ଗ୍ବାଲିଅର,୩୦।୭: କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ଗ୍ବାଲିଅରରେ ଖାତିକ ସମାଜର ପ୍ରତିଭା ସମ୍ମାନ ସମ୍ମିଳନୀରେ ଯୋଗ ଦେଇଥିଲେ। ଏଠାରେ ଜ୍ୟୋତିରାଦିତ୍ୟଙ୍କୁ ଏକ ଛେଳି ଉପହାର ମିଳିଥିଲା। ଖତିକ ସମ୍ପ୍ରଦାୟର ଲୋକଙ୍କ ଠାରୁ ଏମିତି ଉପହାର ପାଇ ସିନ୍ଧିଆ ଆଶ୍ଚର୍ଯ୍ୟ ହୋଇଯାଇଥିଲେ।
ଏହି ସମାରୋହରେ ଖାତିକ ସମ୍ପ୍ରଦାୟର ଲୋକମାନେ ତାଙ୍କୁ ଜୋରଦାର ସ୍ବାଗତ କରିଥିଲେ। ଏହା ସହିତ କେନ୍ଦ୍ର ମନ୍ତ୍ରୀଙ୍କୁ କଳା ରଙ୍ଗର ଛେଳି ଉପହାର ସ୍ବରୂପ ଦେଇଥିଲେ। ଏହି ଉପହାର ଦେଖି ସେ ଆଶ୍ଚର୍ଯ୍ୟ ହୋଇଯାଇଥିଲେ ମଧ୍ୟ ଉପହାରକୁ ସାଦରରେ ଗ୍ରହଣ କରିଥିଲେ।
ଖାତିକ ସମ୍ପ୍ରଦାୟ ପକ୍ଷରୁ ମିଳିଥିବା ଉପହାରକୁ ଗ୍ରହଣ କରି ସିନ୍ଧିଆ କହିଛନ୍ତି, ଏହି ସମ୍ପ୍ରଦାୟ ସହିତ ତାଙ୍କର ପୁରୁଣା ସମ୍ପର୍କ ଅଛି। ମୁଁ ଏହି ସମାଜରୁ ପାଇଥିବା ଉପହାରକୁ ସାଇତି ରଖିବି।
