ବାଲେଶ୍ୱର ଅଫିସ,୪।୨: ବାଲେଶ୍ୱର ଜିଲା ରେମୁଣା ଜାନୁଗଞ୍ଜ ଗୋଲେଇ ସ୍ଥିତ ଟିପି ନର୍ଦନ ଓଡ଼ିଶା ଡିଷ୍ଟ୍ରିବ୍ୟୁସନ୍ ଲିମିଟେଡ୍ (ଟିପିଏନ୍ଓଡିଏଲ୍)କୁ ମିଳିଛି ସଫଳତା। ଗତ ଗୁରୁବାର ଗୁରୁଗ୍ରାମର ହାୟାତ ରିଜେନ୍ସିରେ ଇକୋନମିକ୍ ଟାଇମ୍ସ ହ୍ୟୁମାନ୍ କ୍ୟାପିଟାଲ୍ ଆୱାଡର୍ର୍ସ୍ ସମାରୋହର ଦ୍ୱିତୀୟ ସଂସ୍କରଣ ଅନୁଷ୍ଠିତ ହୋଇଛି। ଏହି ଅବସରରେ ଟିପିଏନ୍ଓଡିଏଲ୍ର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ଭାସ୍କର ସରକାରଙ୍କୁ ପିପୁଲ୍ ଫୋକସ୍ଡ ସିଇଓ ଅଫ୍ ଦି ଇୟର ବର୍ଗରେ ଗୋଲ୍ଡ ପୁରସ୍କାର ପ୍ରଦାନ କରାଯାଇଛି। ମାନବ ସମ୍ବଳର ସର୍ବାଙ୍ଗୀନ ବିକାଶ ଉପରେ ଗୁରୁତ୍ୱ ପ୍ରତି ଉଲ୍ଲେଖନୀୟ ଅବଦାନ ପାଇଁ ତାଙ୍କୁ ଏହି ପୁରସ୍କାର ପ୍ରଦାନ କରାଯାଇଛି। ସେହିପରି ମାନବ ସମ୍ବଳ, ବ୍ୟବସାୟ ଓ ସଂସ୍ଥାର ଅଭିବୃଦ୍ଧିକୁ ହାସଲ କରିବା ଲାଗି କମ୍ପାନୀରେ ପରିବର୍ତ୍ତିତ ପରିଚାଳନା କାର୍ଯ୍ୟକାରିତା ପାଇଁ ସାରା ଭାରତର ବିଭିନ୍ନ ସଂସ୍ଥା ମଧ୍ୟରେ ଟିପିଏନ୍ଓଡ଼ିଏଲ୍କୁ ଏକ୍ସଲେନ୍ସ ଇନ୍ ଚେଞ୍ଜ ମ୍ୟାନେଜ୍ମେଣ୍ଟ କ୍ଷେତ୍ରରେ ଗୋଲ୍ଡ ପୁରସ୍କାର ପ୍ରଦାନ କରାଯାଇଛି। ଏହି ଅବସରରେ ଟିପିଏନ୍ଓଡିଏଲ୍ର ସିଇଓ ଏବଂ ଟିପିଏନ୍ଓଡିିଏଲ୍ର ମୁଖ୍ୟ-ଏଚ୍ଆର୍ ଆଣ୍ଡ୍ ଆଡ୍ମିନ୍ ବଲ୍ଲଭ ସିଂହ ପୁରସ୍କାର ଗ୍ରହଣ କରିଥିବା ବେଳେ ମାନବ ସମ୍ବଳ ଟିମ୍ର ଚିତ୍ତରଞ୍ଜନ ପ୍ରଧାନ, ସମ୍ପୂର୍ଣ୍ଣା ମହାନ୍ତି ଓ ଶେଷଦେବ ପଣ୍ଡା ଉପସ୍ଥିତ ଥିଲେ। କାର୍ଯ୍ୟକ୍ରମରେ ୫୦୦ରୁ ଅଧିକ କମ୍ପାନୀ ଭାଗ ନେଇଥିଲେ। ସୂଚନାଯୋଗ୍ୟ, ଟିପିଏନ୍ଓଡିଏଲ୍ ଦୁଇ ବର୍ଷ ପୂରଣ କରିବାକୁ ଯାଉଛି। ମାତ୍ର ଏତେ କମ୍ ସମୟ ଭିତରେ କମ୍ପାନୀ ବିଭିନ୍ନ କ୍ଷେତ୍ରରେ ସଫଳତା ପାଇଁ ବହୁ ପୁରସ୍କାର ହାସଲ କରିଛି।