ଛତ୍ରପୁର,୧୩।୫ (ଡି.ଏନ୍.ଏ. ): ଗଞ୍ଜାମ ଜିଲା ଛତ୍ରପୁର ଏନ୍ଏସି ଦେବୀ ନଗର ଦ୍ୱିତୀୟ ଲେନ୍ ନିକଟରେ ଜଣେ ମହିଳାଙ୍କ ବେକରୁ ଦୁର୍ବୁତ୍ତ ଗୁରୁବାର ସନ୍ଧ୍ୟାରେ ସୁନା ଚେନ୍ ଝାମ୍ପି ନେଇଛନ୍ତି। ଚେନ୍ଟି ୩ ଭରିର ବୋଲି ଛତ୍ରପୁର ଥାନାରେ ଅଭିଯୋଗ ହୋଇଛି। ଲୁଟ୍ର ଶିକାର ମହିଳା ଜଣଙ୍କ ହେଲେ ସ୍ଥାନୀୟ ଦେବୀ ନଗର ତୃତୀୟ ଲେନ୍ର ଏ. ସୁଲୋଚନା ।
ସୂଚନାଯୋଗ୍ୟ, ସୁଲୋଚନା ଓ ତାଙ୍କ ଭଉଣୀ ହାଟରୁ ପରିବା ନେଇ ଫେରିବାବେଳେ ଲୁଟ୍ ହୋଇଥିଲା। ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ସିସିଟିଭି ଯାଞ୍ଚ କରିଛି।