ମୁମ୍ବାଇ: ସିନେମା ଜଗତର ଲୋକପ୍ରିୟ ଅଭିନେତା ଭାବେ ରଜନୀକାନ୍ତ ବେଶ୍ ଜଣାଶୁଣା। ନିଜର ଅଭିନୟ ଜରିଆରେ ସେ ଏବେ କୋଟି କୋଟି ଲୋକଙ୍କ ହୃଦୟ ଜିଣି ପାରିଛନ୍ତି। ତାଙ୍କ ଅଭିନୀତ ଫିଲ୍ମ ‘ଜେଲର’କୁ ଦର୍ଶକଙ୍କ ବେଶ୍ ଲୋକପ୍ରିୟତା ମିଳିଛି। ତେବେ ‘ଜେଲର’ ବିଶ୍ୱବ୍ୟାପୀ ୫୦୦ କୋଟି ଟଙ୍କା ରୋଜଗାର କରିଛି। ଏହି ସଫଳତା ପାଇଁ ଚଳଚ୍ଚିତ୍ର ତଥା ସନ୍ ପିକ୍ଚର୍ସର ନିର୍ମାତା କାଲାନିଥୀ ମାରନ ଅଭିନେତା ରଜନୀକାନ୍ତଙ୍କ ସମେତ ଫିଲ୍ମର ସମସ୍ତ ସଦସ୍ୟଙ୍କୁ ଭେଟିଛନ୍ତି। ସେ ରଜନୀକାନ୍ତଙ୍କୁ ଏକ ୧୦୦ କୋଟିର ଚେକ୍ ପ୍ରଦାନ କରିଥିବାବେଳେ ଅନ୍ୟ ୩୦୦ ସଦସ୍ୟଙ୍କୁ ସୁନା କଏନ ଦେଇଛନ୍ତି। ଏଥିସହ ସମସ୍ତ ସଦସ୍ୟଙ୍କୁ ଧନ୍ୟବାଦ ଜଣାଇଛନ୍ତି। ଏନେଇ ସନ୍ ପିକ୍ଚର୍ସ ପକ୍ଷରୁ ମାଇକ୍ରୋବ୍ଲଗିଂ ସାଇଟ୍ ଏକ୍ସ’ରେ ଶେୟାର କରାଯାଇଛି।
